ޔާމީނުގެ ރިޔާސަތުގައި ޕީއެންއެފްގެ ފުރަތަމަ ސެނެޓް ބާއްވައިފި

ކުރީގެ ރައީސް އަބްދުﷲ ޔާމީން އަބްދުލް ޤައްޔޫމުގެ ރިޔާސަތުގައި ޕީއެންއެފްގެ ފުރަތަމަ ސެނޭޓް ރޭ ބާއްވައިފިއެވެ.

ޕީއެންއެފްގެ ތާރީޚީ ފުރަތަމަ ސެނޭޓް ބައްދަލުވުން ރޭ ބާއްވާފައިވަނީ އެ ޕާޓީގެ އޮފީހުގައެވެ.

ރޭ ބޭއްވި އެ ބައްދަލުވުމުގައި ޕާޓީގެ އަސާސީ ޤަވާއިދުގައިވާ ހަތަރު ކޮމިޓީ އަކަށް މެންބަރުން ވަނީ އިންތިޚާބު ކޮށްފައެވެ.

އޭގެތެރޭގައި ހިމެނެނީ ސުލޫކީ, އިސްތިއުނާފު, އީސީ އަދި މެމްބާރ އެފްއާޒް ކޮމިޓީއެވެ.

އިލެކްޝަންސް ކޮމިޝަނުން، ޔާމީން އިސްވެ އުފެއްދެވި ޕާޓީ ޕީއެންއެފް ރަޖިސްޓްރީ ކޮށްދީފައިވަނީ މި މަހުގެ 25 ވަނަ ދުވަހުއެވެ. އަދި ޕީއެންއެފް އުފައްދަން ޖަލްސާ ބޭއްވީ މި މަހުގެ 10ވަނަ ދުވަހެވެ.

ޕީޕީއެމް/ޕީއެންސީ ވެރިކަމަށް އައިތާ ހަފުތާއެއް ނުވަނީސް ޔާމީން ވަނީ އެ ކޯލިޝަންގެ ލީޑަރުކަމުން އިސްތިއުފާ ދެއްވައިފައެވެ. އެއަށްފަހު، އަމިއްލަފުޅު ޕާޓީއެއް އުފައްދަވަން ހުށަހެޅުއްވުމަށް އެ މަސައްކަތްކުރަން އީސީން ހުއްދަ ދިނީ މިދިޔަ ނޮވެމްބަރު މަހުގެ 29 ގައެވެ.

މިހާރު އާރަށު މައްސަލައިގެ ޖަލު ހުކުމުން ޔާމީން މިނިވަންވެވަޑައިގެންފައިވާއިރު، ދެން އެ މަނިކުފާނަށް ސިޔާސީ ކަންކަމުގައި އުޅުއްވުމަށް ހުރަހެއް ވެސް ނޯންނާނެއެވެ.