2030ވަނަ އަހަރު ބާއްވާ ފީފާ ވޯލްޑް ކަޕާ ދިމާކޮށް ދުނިޔޭގައި މިހާތަނަށް ހަދާ އެންމެ ބޮޑު ފުޓްބޯޅަ ސްޓޭޑިއަމް، ގްރޭންޑް ސްޓޭޑް ދެ ކާސާބްލަންކާ ގާއިމުކުރުމަށް މޮރޮކޯއިން ތައްޔާރުވެއްޖެއެވެ.
އުތުރު އެފްރިކާގެ ގައުމެއް ކަމަށްވާ މޮރޮކޯއަކީ 2030ވަނަ އަހަރުގެ ފީފާ ވޯލްޑް ކަޕް ބާއްވާ ގައުމެވެ.
މޮރޮކޯގައި އެ ސްޓޭޑިއަމް އަޅަން ހަމަޖެހިފައި ވަނީ ކާސާބްލަންކާގެ އިރުމަތީގައި އޮންނަ އައްސޭރިފަށުގެ ރަށެއް ކަމަށްވާ އެލް މަންސޫރިއާގައެވެ.
އެލް މަންސޫރިއާ އަކީ 20،000 އަށްވުރެ މަދުން މީހުން ދިރިއުޅޭ ތަނެކެވެ.
115،000 މީހުންގެ ޖާގައިގެ އެ ސްޓޭޑިއަމްއަކީ 500 މިލިއަން ޑޮލަރުގެ ބަޖެޓަކުން ގާއިމުކުރަން ހަމަޖެހިފައިވާ ސްޓޭޑިއަމްއެކެވެ.
މޮރޮކޯގެ އެ ސްޓޭޑިއަމްއާއެކު މިހާރު ދުނިޔޭގެ އެންމެ ބޮޑު ސްޓޭޑިއަމްގެ ގޮތުގައި އޮތް އުތުރު ކޮރެއާގެ ހުންނަ ރަންގްރާޑޯ ފަސްޓް އޮފް މޭ ސްޓޭޑިއަމް ފަހަތަށް ޖައްސާލާނެއެވެ.
އެ ސްޓޭޑިއަމްއަކީ އެއްފަހަރާ 114،000 މީހުންނަށް ވަދެވޭ ސްޓޭޑިއަމްއެކެވެ.