ގޫގުލްގެ އަހަރީ ޑިވެލޮޕަރު ކޮންފަރެންސް، އައިއޯ، މެއި މަހުގެ 14ގައި ބޭއްވުމަށް ހަމަޖެހިފައިވާއިރު، އެކުންފުނިން މިފަހަރުގެ ކޮންފަރެންސްވެސް ބާއްވާނެކަމަށް ބެލެވެނީ ހިތްގައިމު އެތައް އިއުލާންތަކާއި، ޕްރޮޑަކްޓް ލޯންޗްތަކަކާ އެކުއެވެ. މިފަހަރުގެ ކޮންފަރެންސްގައި އެންމެ ބޮޑު ސަމާލުކަމެއް ލިބޭނީ ގޫގުލްގެ އެންމެފަހުގެ އޮޕަރޭޓިން ސިސްޓަމް އެންޑްރޮއިޑް 15އަށް ކަމަށް ޓެކްރިޕޯޓްތައް ދަނީ ބުނަމުންނެވެ.
'ނެކްސްޓް ޖެނެރޭޝަން'ގެ ނަމުގައި ނެރޭ މި އައިއޯއެސް އަކީ މީގެ ކުރިން ނުފެންނަ ފަދަ ބޮޑެތި ބަދަލުތަކާއެކު ތަޢާރަފުކުރާނެ އައިއޯއެސްއެއް ކަމަށް ގިނަ ބަޔަކު އުންމީދުކުރެއެވެ.
ގޫގުލްގެ އައިއޯއެސްގެ އިތުރުންވެސް ޕިކްސެލް 8އޭ މިޑް ރޭންޖް ސްމާޓްފޯނާއި އާޓިފިޝަލް އިންޓެލިޖެންސްގެ ދާއިރާއިން ގޫގުލްއިން އެންމެ ފަހުން ހޯދާފައިވާ ކުރިއެރުންތައް މި ޝޯވްގައި ދައްކާލާނެކަމަށް ރިޕޯޓްތައް ބުނެއެވެ.
އެންޑްރޮއިޑް 15: ދަ ނެކްސްޓް ޗެޕްޓާ އިން މޮބައިލް އިނޮވޭޝަން
ގޫގުލްގެ ސޮފްޓްވެއާ ލައިންއަޕްގެ އެންމެ ކުރީ ސަފުގައި އޮތީ ދުނިޔޭގެ އެންމެ މަގުބޫލު މޮބައިލް އޮޕަރޭޓިން ސިސްޓަމްގެ އެންމެ ފަހުގެ ވާޝަން ކަމަށްވާ އެންޑްރޮއިޑް 15 އެވެ. ތަފްސީލުތައް މަދުނަމަވެސް، އެންޑްރޮއިޑް 15ގެ ސަބަބުން ޕްރައިވެސީ ކޮންޓްރޯލްތައް އިތުރުވެ، ބެޓެރީ ލައިފް ރަނގަޅުވެ، އެންމެ ފަހުގެ ޑިސްޕްލޭ ޓެކްނޮލޮޖީތަކުގެ ބޭނުން ހިފުމަށް ޔޫޒަރ އިންޓަފޭސްއަށް ބަދަލުތަކެއް އަންނާނެ ކަމަށް އަޑު ފެތުރިފައިވެއެވެ.
ޕިކްސެލް 8އޭ: ފްލެގްޝިޕް ފީޗާސް މިޑް ރޭންޖަށް ގެނައުން
ހާޑްވެއާގެ ރޮނގުން އެންމެންގެ ނަޒަރު ހުއްޓިފައިވަނީ ގޫގުލްގެ ކުރިއަށް އޮތް މިޑް ރޭންޖް ސްމާޓްފޯން ކަމަށްވާ ޕިކްސެލް 8އޭ އަށެވެ. ޕިކްސެލް 8އޭ އިން މީގެ ކުރީގެ އުފެއްދުންތަކުގެ ކާމިޔާބީގެ މައްޗަށް ބިނާކޮށް، ފްލެގްޝިޕް ލެވެލްގެ ޕާފޯމަންސާއި ކެމެރާގެ ގާބިލުކަން މިހާރަށް ވުރެ ހެޔޮ އަގެއްގައި ފޯރުކޮށްދޭނެ ކަމަށް ބެލެވެއެވެ. މިހާތަނަށް ލީކުވެފައިވާ މައުލޫމާތުން ބެލެވޭ ގޮތުން މި ފޯނުގައި އޮމާން ޑިޒައިނަކާއި ބާރުގަދަ ޕްރޮސެސަރެއްގެ އިތުރުން ހިތްގައިމު ފޮޓޯތަކާއި ވީޑިއޯތައް ނެގުމުގެ ގާބިލުކަން ލިބިފައިވާ ކެމެރާ ސިސްޓަމެއް ހުންނާނެއެވެ.
އޭއައިގެ ކުރިއެރުންތައް:
ގޫގުލް އައިއޯ 2024ގެ އެންމެ ފާހަގަކޮށްލެވޭ އަނެއްކަމަކީ އާޓިފިޝަލް އިންޓެލިޖެންސްގެ ދާއިރާއިން އެ ކުންފުނިން ހޯދާފައިވާ ކުރިއެރުންތައް ދައްކާލާނެކަމެވެ. ގޫގުލް އަކީ އޭއައި ރިސާޗް އާއި ޑިވެލޮޕްމަންޓްގެ އެންމެ ކުރީ ސަފުގައި ހަރަކާތްތެރިވާ ކުންފުންޏަކަށް ވާއިރު، މިފަހަރުގެ ހަރަކާތުގައި ނެޗުރަލް ވޯޑް ޕްރޮސެސިންއާއި ކޮމްޕިއުޓާ ވިޝަން އަދި މެޝިން ލާނިން ފަދަ ދާއިރާތަކުން އެންމެ ފަހުގެ ކާމިޔާބީތައް ފެންނާނެ ކަމަށް ބެލެވެއެވެ.
އެންމެ ގިނަ ބަޔަކު އުންމީދު ކުރާ އެއް އިއުލާނަކީ ގޫގުލްގެ ނެކްސްޓް ޖެނެރޭޝަން ލެންގުއޭޖް މޮޑެލް އިފްތިތާހު ކުރުމެވެ. މިކަމުގެ ސަބަބުން ވާޗުއަލް އެސިސްޓެންޓުންނާއި ބަހުގެ ތަރުޖަމާ އާއި ކޮންޓެންޓް އުފެއްދުމުގެ ވަސީލަތްތަކަށް ބޮޑެތި ބަދަލުތަކެއް އަންނާނެއެވެ.
މީގެ އިތުރުން ގޫގުލްއިން އެކުންފުނީގެ ޕްރޮޑަކްޓް ލައިންއަޕްގައި އާ އޭއައި ޕަވާޑް ފީޗާތަކާއި ގާބިލްކަން ދައްކާލާނެ ކަމަށް ބެލެވޭ އިރު، އޭގެ ތެރޭގައި ސާޗް، މެޕްސް އަދި ތަފާތު ޕްރޮޑަކްޓިވިޓީ ޓޫލްސް ހިމެނެއެވެ. މި ކުރިއެރުންތަކުގެ ސަބަބުން ޓެކްނޮލޮޖީއާ މުއާމަލާތްކުރާ ގޮތްތަކަށް އިންގިލާބީ ބަދަލެއް އައިސް، ޑިޖިޓަލް ތަޖުރިބާތައް މިހާރަށްވުރެ ހަރުދަނާވެ، ޕާސަނަލައިޒްޑް ވާނެއެވެ.
ޑިވެލޮޕަރުންނާއި، ޓެކްނޮލޮޖީއަށް ޝައުގުވެރިވާ ފަރާތްތަކާއި، އިންޑަސްޓްރީގެ ތަޖުރިބާކާރުން ވެސް ދަނީ ގޫގުލް އައި/އޯ 2024އަށް އިންތިޒާރު ކުރަމުންނެވެ.