މި ފެށޭ 1445 ވަނަ އަހަރުގެ ރަމަޟާން މަހާއި ޝައްވާލުމަހުގެ ފުރަތަމަ ހަތް ދުވަހު ކައިވެނި ކޮށްދޭނެ ގަޑިތައް ފެމެލީ ކޯޓުން މިއަދު އިއުލާނުކޮށްފިއެވެ.
އެ ކޯޓުން މިއަދު ނެރުނު އިއުލާނުގައި ބުނެފައިވަނީ ރޯދަ މަހު ކައިވެނި ކޮށްދޭނީ ރަސްމީ ދުވަސްތަކުގެ ހެނދުނު 9:30 އިން 12:30 އަދި ރޭގަނޑު 21:30 އިން 23:30 އަށް ކަމަށެވެ. އަދި ކޯޓުން ބޭރުގައި ކުރާ ނަމަ ހަފުތާގެ ކޮންމެ ދުވަހެއްގެ 21:30 އިން 23:30 އަށް ކައިވެނި ކޮށްދޭނެ ކަމަށްވެސް އެ ކޯޓުން ވަނީ ބުނެފައެވެ.
އަދި މީގެ އިތުރުން ޝައްވާލު މަހުގެ ފުރަތަމަ ހަތް ދުވަހު ކޯޓުގައި ކައިވެނިކޮށްދޭނީ ރަސްމީ ދުވަސްތަކުގެ ހެނދުނު 09:30 އިން 12:30 އަށް އަދި ހަވީރު 16:00 އިން 17:30 އަށެވެ. އަދި ރޭގަނޑު ކައިވެނި ކޮށްދޭނީ ކޮންމެ ދުވަހެއްގެ 19:30 އިން 21:30 އަށް ކަމަށް ފެމިލީ ކޯޓުން ވަނީ އިއުލާނުގައި ބުނެފައެވެ.
ޝައްވާލު މަހުގެ ފުރަތަމަ ހަތް ދުވަހު ކޯޓުން ބޭރުގައި ކައިވެނި ކޮށްދޭނީ ކޮންމެ ދުވަހެއްގެ ވެސް 16:00 އިން 17:30 އަދި ރޭގަނޑު 19:30 އިން 21:30 އަށެވެ.