ހުޅުމާލޭ ދެވަނަ ފިޔަވަހީގައި ހުންނަ ވިނަރެސް ޓަވަރުތަކުގައި ސޮނީ ހާޑްވެއާގެ ފިހާރައެއް ހުޅުވައިފިއެވެ.
ދެ ފިންގަފިލާގެ އެ ފިހާރައިން, ބަދިގެއާއި ފާހާނައަށް ބޭނުންވާ ސާމާނުގެ އިތުރުން އެކި ބާވަތުގެ ޓޫލްސް ލިބެން ހުންނާނެއެވެ.
ސޮނީ ހާޑްވެއާގެ ފިހާރައެއް ހުޅުމާލޭ ދެވަނަ ފިޔަވަހީގައި ހުޅުވުމަކީ މިހާރު ވުރެ ގިނަ ބަޔަކަށް ސޮނީގެ އުފެއްދުންތަކާއި ޚިދުމަތްތައް ލިބޭނެ ގޮތް ހެދުމަށް އެޅި މުހިންމު ފިޔަވަޅެއް ކަމަށް އެ ކުންފުނިން ބުނެއެވެ.
ވިނަރެސްގައި ހަދާފައިވާ ފިހާރަ ހުޅުވާފައި ހުންނާނީ ހޮނިހިރު ދުވަހުން ފެށިގެން ބުރާސްފަތި ދުވަހަށް، ހެނދުނު 8:00އިން 12:00އަށް، މެންދުރު 1:30އިން 6:00އަށް އަދި ރޭގަނޑު 8:00އިން 10:00އަށެވެ.
ހުކުރު ދުވަހު އެ ފިހާރަ ހުޅުވާފައި ހުންނާނީ ހެނދުނު 8:00އިން 10:30އަށް، މެންދުރު 2:00އިން 6:00އަށް އަދި ރޭގަނޑު 8:00އިން 10:00އަށެވެ.