ނ. ޅޮހީގައި ވެއްޓިފައި އޮތް 31 އަހަރުގެ ޒުވާން އަންހެނަކު މާލެ ގެނެސް ފަރުވާ ދެނިކޮށް މިއަދު ނިޔާވެއްޖެއެވެ.
ޅޮހީ ކައުންސިލް މެންބަރު އައިޝަތު އަރީން "ސަން"އަށް ވިދާޅުވީ، މިދިޔަ ހުކުރު ދުވަހު އޭނާ ވެއްޓިފައި އޮއްވައި ފެނުނީ އެރަށު ކުށްޅަވަށްފަލުން ކަމަށެވެ.
އެ ހާދިސާ ދިމާވީ ކިހިނެއް ކަމެއް މިހާތަނަށް އެނގިފައިނުވާ ކަމަށް އޭނާ ވިދާޅުވިއެވެ.
އަރީން ވިދާޅުވީ، އެ މީހާއަށް އެންމެ ފުރަތަމަ ފަރުވާ ދިނީ އެރަށު ސިއްހީ މަރުކަޒުން ކަމަށެވެ. އެއަށްފަހު އިތުރު ފަރުވާއަށް ރ. އުނގޫފާރު ހޮސްޕިޓަލަށް އެ އަންހެން މީހާ ފޮނުވި ކަމަށް އޭނާ ވިދާޅުވިއެވެ.
"ދެން އުނގޫފާރުން ވަގުތުން އެމަޖެންސީކޮށް މާލެ ގެންގޮސް ވެންޓިލޭޓަރު ގައި ފަރުދެނިކޮށް ނިޔާވީ،" އަރީން ވިދާޅުވިއެވެ.
މިހާދިސާގައި އެމީހާ ވެއްޓިފައި އޮއްވައިި ފެނުނުއިރު އޭނާގެ ހާލަތާ ގުޅޭ ތަފްސީލެއް މިހާތަނަށް ލިބިފައެއް ނުވެއެވެ.
އެ މީހާގެ ކަށުނަމާދު އޮންނާނީ މިރޭ ހުޅުމާލޭ ސަހަރާ މިސްކިތުގައި 23:00ގައެވެ.