އިނގުރައިދޫ ދާއިރާގެ މެންބަރު ހަސަން އަހްމަދު (ހަސަންޓޭ) އެމްޑީޕީ ދޫކޮށް، ޕީއެންސީއަށް ބަދަލުވެއްޖެއެވެ.
ރައީސް ޑރ. މުޙައްމަދު މުއިއްޒަށް ފޯމް ހަވާލު ކުރައްވާ ފޮޓޯއާއެކު ހަސަންޓޭ ދެންމެ އެކްސްގައި ކުރެއްވި ޕޯސްޓެއްގައި ވިދާޅުވީ މިއަދުން ފެށިގެން ރައީސް މުއިއްޒާއެކުު ކުރިއަށްދިއުމަށް ނިންމާފައިވާ ކަމަށެވެ.
"ތެދުވެރިކަމާއި އިހްލާސްތެރިކަމާއެކު ޕީއެންސީ އާއެކު ހުންނާނެވާހަކަ ދަންނަވަން،" ހަސަންޓޭގެ ޕޯސްޓްގައި ވެއެވެ.
ހަސަންޓޭއަކީ އެމްޑީޕީގެ އެކްޓްވިސްޓެއްގެ ގޮތުގައި ސިޔާސީ މައިދާނަށް ނުކުންނެވި ބޭފުޅެކެވެ. އަދި އޭނާއަކީ ކުރީގެ ރައީސް މުޙައްމަދު ނަޝީދާ ކުރިން ވަރަށް އަރިސް މީހެކެވެ. ނަމަވެސް ރައީސް އިބްރާހީމް މުޙައްމަދު ޞާލިހާއި ނަޝީދުގެ ގުޅުން ގޯސްވި ހިސާބުން ހަސަންޓޭ އިހްތިޔާރު ކުރީ ވެރިކަމުގައި އޭރު ހުންނެވި ރައީސް ޞާލިޙާއެކު ދެމިހުންނާށެވެ.
ހަސަންޓޭ މަޖިލިސް ގޮނޑި ކާމިޔާބު ކޮށްފައިވަނީ ތިން ފަހަރެއްގެ މަތިން އިންތިޚާބުގައި ވާދަކޮށްގެންނެވެ.
އެމްޑީޕީގެ 13 މެންބަރުން ޕީއެންސީއަށް ސޮއިކުރީ މިދިޔަ މަހުގެ 28ގައެވެ.
އެންމެ ފަހުގެ މަޖިލީހުގެ އިންތިޚާބު އޭރު ވެރިކަމުގައި އޮތް އެމްޑީޕީން 65 ގޮނޑިއާއެކު ކާމިޔާބުކޮށް ސުޕަ މެޖޯރިޓީ ހޯދިއެވެ. ނަމަވެސް ޑިމޮކްރެޓްސް އުފެއްދުމަށް 13 މެންބަރަކު އެ ޕާޓީން ވަކިވުމާއެކު މެންބަރުގެ އަދަދު ދަށަށް ދިޔައެވެ. މިހާރު މަޖިލީހުގައި ތިބީ އެމްޑީޕީގެ 42 މެންބަރުންނެވެ.
ސަރުކާރު ހިންގާ ޕީއެންސީގެ 16 މަޖިލިސް މެންބަރުން މިހާރު މަޖިލީހުގައި ތިއްބަވާނެއެވެ.