ކުރިއަށް އޮތް 20ވަނަ ރައްޔިތުންގެ މަޖިލީހުގެ އިންތިޚާބުގައި ވާދަކުރުމަށް އިދިކޮޅު އެމްޑީޕީ ޓިކެޓު 36 މެންބަރަކު ޕްރައިމަރީގައި ވާދަކުރަން ނުޖެހި ކަށަވަރުކޮށްފިއެވެ.
ވާދަކުރަން ޝައުގުވެރިކަން ފާޅުކުރަން ހުޅުވާލި ފުރުސަތު ނިމުމާއެކު އެ 36 މެމްބަރުންނަށް ޓިކެޓު ކަށަވަރުވީ، އެ ދާއިރާތަކަޑް އެއް ކެންޑިޑޭޓަކު ކުރިމަތިލާފައިވުމުންނެވެ.
އެދާއިރާތަކަށް ކުރިމަތިލެއްވި މެންބަރުންގެ ނަންތަކަކީ:
- ހޯރަފުށި ދާއިރާ - އަހުމަދު ސަލީމް، މިހާރުގެ ވެސް މެމްބަރު
- އިހަވަންދޫ ދާއިރާ - މުހައްމަދު އާރިފް
- ވައިކަރަދޫ ދާއިރާ - ހުސައިން ޒިޔާދު
- މަކުނުދޫ ދާއިރާ - މުހައްމަދު ރާއީ/ މިހާރުގެ ވެސް މެމްބަރު
- މިލަންދޫ ދާއިރާ - އަލީ ރިޒާ/ މިހާރުގެ ވެސް މެމްބަރު
- ފުނަދޫ ދާއިރާ - މުހައްމަދު ޝާހިދު
- ހޮޅުދޫ ދާއިރާ - އަހުމަދު ފާތިހު
- ދުވާފަރު ދާއިރާ - އިސްމާއިލް އަހުމަދު
- ތުޅާދޫ ދާއިރާ - މުހައްމަދު ޝަފީގް
- ހިންނަވަރު ދާއިރާ - ޖީހާން މަހްމޫދު/ މިހާރުގެ ވެސް މެމްބަރު
- މާފުށި ދާއިރާ - މުހައްމަދު ލުތުފީ
- ތުލުސްދޫ ދާއިރާ - އިބްރާހީމް އަމީރު/ ކުރީގެ މިނިސްޓަރު
- މާމިގިލި ދާއިރާ - އަލީ އަމީޒު
- ދިއްގަރު ދާއިރާ - އިކްރާމް ހަސަން/ މިހާރުގެ ވެސް މެމްބަރު
- މިދޫ ދާއިރާ - އިޔާސް އިސްމާއިލް ލަތީފް
- ގުރައިދޫ ދާއިރާ - ހަސަން ޝިނާން
- ފޮނަދޫ ދާއިރާ - ހުސައިން އަބޫބަކުރު
- ދާންދޫ ދާއިރާ - ޔައުގޫބު އަބްދުﷲ، މިހާރުގެ ވެސް މެމްބަރު
- ގެމަނަފުށީ ދާއިރާ - އަހުމަދު ސައީދު
- ކޮލަމާފުށީ ދާއިރާ - ސައްޔާހު ޚަލީލް
- ތިނަދޫ އުތުރު ދާއިރާ - އަހްމަދު ގައިސް
- ފަރެސްމާތޮޑާ ދާއިރާ - އަހުމަދު ޒައީމް
- ގައްދޫ ދާއިރާ - އަހްމަދު ސައީދު މުހައްމަދު/ ކުރީގެ ފެނަކަ އެމްޑީ
- ފުވައްމުލަކު މެދު ދާއިރާ - ހުސައިން މުޙައްމަދުދީދީ
- ހިތަދޫ އުތުރު ދާއިރާ - މުޙައްމަދު އަސްލަމް/ މިހާރުގެ ވެސް މެމްބަރު
- ހިތަދޫ ދެކުނު ދާއިރާ - އިބްރާހީމް ނާޒިލް/ މިހާރުގެ ވެސް މެމްބަރު
- މެދު ހެންވޭރު ދާއިރާ - އިބްރާހީމް އަލީ ޖަލީލް
- ހެންވޭރު ދެކުނު ދާއިރާ - ހުސައިން ޝަހީމް/ މިހާރުގެ ވެސް މެމްބަރު
- ގަލޮޅު އުތުރު ދާއިރާ - މުޙައްމަދު އިބްރާހީމް
- ގަލޮޅު ދެކުނު ދާއިރާ - މީކާއިލް އަހްމަދު ނަސީމް/ މިހާރުގެ ވެސް މެމްބަރު
- މައްޗަންގޯޅި އުތުރު ދާއިރާ - ޟިރުޣާމް ވަހީދު
- މައްޗަންގޯޅި ދެކުނު ދާއިރާ - އަބްދުﷲ ސިނާން
- މާފަންނު ހުޅަނގު ދާއިރާ - މުހައްމަދު ފަލާހް، މިހާރުގެ ވެސް މެމްބަރު
- މާފަންނު މެދު ދާއިރާ - އަހްމަދު އާމިރު
- މާފަންނު ދެކުނު ދާއިރާ - ހަސަން އިއާދު ސަލީމް
- މައްޗަންގޯޅި މެދު ދާއިރާ - އަކްރަމް ކަމާލުއްދީން، ކުރީގެ ސްޓޭޓް މިނިސްޓަރު
އެމްޑީޕީން ބުނީ އެއް ކެންޑިޑޭޓަަކަށްވުރެ ގިނަ ކެންޑިޑޭޓުން ކުރިމަތިލައިފައިވާ ދާއިރާތައް އެ ޕާޓީގެ ގައުމީ މަޖިލީހުގެ ނިންމުމާ އެއްގޮތަށް ވިލަރެސް ކޮމެޓީއިން ނިންމުމުން ފަހުން އިއުލާންކުރާނެ ކަމަށެވެ.
މީގެކުރިން އެމްޑީޕީން ބުނީ، ޕްރައިމަރީއެއް ބާއްވަން ޖެހިއްޖެ ހާލަތެއްގައި ޕްރައިމެރީ ބާއްވާނެ ކަމަށެވެ. އެގޮތުން ޕްރައިމަރީ ބާއްވާނީ، މި މަހު 26 އަދި 27 ޖެނުއަރީ ކަމަށް ހުކުރާއި ހޮނިހިރު ދުވަހުކަމަށް އެ ޕާޓީން ބުނެފައިވެއެވެ.