އެމެރިކާ، އިނގިރޭސިވިލާތް އަދި ދުނިޔޭގެ އެކި ކަންކޮޅުތަކުގައި މެޓާގެ ތްރެޑްސް ތައާރަފުކުރިތާ ފަސް މަހަށް ވުރެ ގިނަ ދުވަސް ފަހުން އެންމެ ފަހުން ޔޫރަޕުގައި ތައާރަފުކޮށްފިއެވެ.
ޔޫރަޕަށް ތަޢާރަފު ކުރިނަމަވެސް އަދި މި އެޕްލިކޭޝަން މިހާރު ރަސްމީކޮށް ލިބެނީ ހަމައެކަނި ވެބްގައެވެ. ނަމަވެސް ތްރެޑްސްގެ އައިއޯއެސް އާއި އެންޑްރޮއިޑް އެޕްލިކޭޝަން ކުޑަ ދުވަސްކޮޅަކަށް ފަހު ވަރަށް ފުޅާ ދާއިރާއެއްގައި ލިބެން ހުންނާނެ ކަމަށް ރިޕޯޓްތައް ބުނެއެވެ.
ރިޕޯޓްތައް ބުނާ ގޮތުން އެ މަސައްކަތް ލަސްވީ އީޔޫއިން އަންނަ އަހަރު އަމަލުކުރަން ހަމަޖެހިފައިވާ ޑިޖިޓަލް މާކެޓްގާނޫނު (ޑީއެމްއޭ) އާ ގުޅިގެންނެވެ. ޓެކްގެ ބޮޑު ހަތް ކުންފުނީގެ ތެރޭގައި ހިމެނޭ ކުންފުންޏެއްގެ ހައިސިއްޔަތުން މެޓާ ބޭނުންވީ އެ އެޕް ޑީއެމްއޭގެ އުސޫލުތަކާ ޚިލާފުނުވާކަން ކަށަވަރު ކުރުމަށް ފަހު ލޯންޗުކުރުމަށެވެ.
އީޔޫގެ ސިޔާސަތުތަކާ އެއްގޮތްވާ ގޮތުގެ މަތިން ޕްރޮފައިލްއެއް ހަދަން ނުޖެހި ޕްލެޓްފޯމަށް ވަނުމުގެ ފުރުސަތު ވެސް މި އެޕްލިކޭޝަނުން ލިބެއެވެ.
ޔޫރަޕް ފިޔަވައި އެހެން ހިސާބުތަކުގައި ބޭސިކް ފީޗާ ސެޓަކާއެކު މޯބައިލްގައި ޖުލައި މަހުގެ ފަސް ވަނަ ދުވަހު ތައާރަފްކުރި ތްރެޑްސްއިން އިންސްޓަގްރާމް އެކައުންޓްތައް ބޭނުންކޮށްގެން ސައިން އިން ކުރެވެއެވެ. އަދި އެކްސްއެކޭ އެއްގޮތްށް ތްރެޑްސް ތަޢާރަފު ކޮށްފައިވަނީ 500 ކެރެކްޓާއާ ހަމައަށް ޓެކްސްޓް ލިޔެވޭ ގޮތަށް، ފޮޓޯ އާއި ފަސް މިނެޓުގެ ވީޑިއޯވެސް އަޕްލޯޑް ކުރެވޭގޮތަށެވެ. އަދި ރީޕޯސްޓްތަކާއި ކޯޓް ޕޯސްޓުތަކަށް ވެސް ފުރުސަތު ވަނީ ދީފައެވެ.
އޭގެ ފަހުން ވެބް ވާޝަނަކާ އެކު "ފޮލޯއިން" އަދި "ފޯ ޔޫ" ފީޑްތަކާއި އިންސްޓަގްރާމްގައި ތްރެޑްސް ޕޯސްޓްފޮނުވުމާއި ލިސްޓް ސޯޓިން ފޮލޯ ކުރުމާއި ޕްރޮފައިލް ޕޭޖުގައި ލައިކްކޮށްފައިވާ ޕޯސްޓުތައް ފެންނަން ހުރުން ފަދަ ގިނަ ކަންތައްތަކެއް ވަނީ ހިމަނައިފައެވެ.
މީގެ އިތުރުން މެޓާއިން ވަނީ މެސްޓޯޑޮން ފަދަ އެޕްލިކޭޝަންތަކުގައި ތްރެޑްސް ޕޯސްޓްތައް ލިބެން ހުންނާނެ ގޮތް ހެދުމުގެ ގާބިލްކަން ޓެސްޓް ކުރަން ފަށައިފައެވެ. ތްރެޑްސްއިން އެހެން އެޕްލިކޭޝަންތަކަށް ކްރޮސް ޕޯސްޓް ކުރުމުގެ ގާބިލުކަން ލިބުމަކީ ތްރެޑްސް ތައާރަފު ކުރިއިރު މެޓާއިން ވެފައިވާ މުހިންމު ވައުދެކެވެ.
ރިޕޯޓްތައް ބުނާގޮތުގައި ތްރެޑްސްއަކީ މިފަދަ އެހެން ޕްލެޓްފޯމްތަކާ ބަލާއިރު، ސުޕާހިޓެކެވެ. އެގޮތުން ލޯންޗްކުރިތާ ފަސް ދުވަސް ތެރޭ 100 މިލިއަން ސައިންއަޕްގެ އަދަދު ފަހަނައަޅައި ގޮސް، ނޮވެމްބަރު 10 ވަނަ ދުވަހާ ހަމައަށް 141 މިލިއަން މީހުން ގަވާއިދުން ތްރެޑްސްއަށް ރެޖިސްޓާވެފައިވާ ކަމަށް ރިސާޗް ކުންފުންޏެއް ކަމަށްވާ ކުއިވާ ކުއަންޓިޓޭޓިވްއިން ބުނެއެވެ.
ތްރެޑްސްގައިލޯންޗްކުރިތާ މަހެއްހާ ދުވަސް ފަހުން އެކްޓިވް ޔޫޒަރުންގެ އަދަދު ވަރަށް ބޮޑަށް ދަށަށް ގޮސްފައި ވީނަމަވެސް، ޔޫރަޕްގައި ތްރެޑްސް ލޯންޗުކުރުމުން، މިހާރު ވަރަށް ބޮޑު ކުރިއެރުމެއް ލިބެންޖެހޭނެ ކަމަށް ގިނަބަޔަކު ގަބޫލު ކުރެއެވެ.