ލައިވް ބްލޮގް: ޑރ. މުއިއްޒު ގޮވާލެއްވީ އެންމެން އެކަތިގަނޑަކަށް ވުމަށް

ސަން އޮންލައިންއިން ގެނެސްދިން ރިޔާސީ އިންތިޚާބުގެ ލައިވް ކަވަރޭޖް މިހާހިސާބުން ނިމުނީ.

ރައީސް ޞާލިޙް، އިންތިޚާބީ ރައީސް ޑރ. މުހައްމަދު މުއިއްޒަށް މަރުހަބާ ވިދާޅުވެއްޖެ

އެ މަނިކުފާނު ދެންމެ ކުރެއްވި ޓުވީޓެއްގައި ވަނީ، މުއިއްޒަށް މަރުހަބާ ވިދާޅުވެ، މި އިންތިޚާބުގައި ދިވެހި ރައްޔިތުން ދެއްކެވި ޑިމޮކްރެޓިކް ނަމޫނާއަށް މަރުހަބާ ދަންނަވައިފައި. އަދި، މި އިންތިޚާބުގައި އެ މަނިކުފާނަށް ވޯޓު ދެއްވި އެންމެހައި ރައްޔިތުންނަށާއި ކެމްޕޭންގައި މަސައްކަތް ކޮށްދެއްވި އެމްޑީޕީއާއި އަދާލަތު ޕާޓީގެ މެންބަރުންނަށް ރައީސް ވަނީ ޝުކުރު އަދާ ކުރައްވާފައި.

ނޮވެމްބަރު 17ގައި ރައީސްކަމުގެ ހުވާކުރެވުމާއެކު ރަސްމީ މަސައްކަތް ފަށާނީ ވަރަށް ބަރު ސްޕީޑުގައި ގައުމުގެ ކަންކަން ކުރުމަށް ކަމަށް މުއިއްޒު ވިދާޅުވި. އަދި އެ މަސައްކަތްތައް ކުރައްވާނީ ރައްޔިތުން އެދޭ ގޮތަށް ރެއާއި ދުވާލު މަސައްކަތް ކުރާނެ ޓީމަކާއެކު ކަމަށް ވިދާޅުވި.

މުއިއްޒު ވިދާޅުވީ ފާއިތުވި ފަސް އަހަރު ޕީޕީއެމްގެ ލީޑަރުން ގައުމުގެ މަސްލަހަތު އިސްކޮށް، ބޮޑެތި ގުރުބާނީތަކެއްވެފައިވާ ކަމަށް. އެކަމަށް މުއިއްޒު ޝުކުރު އަދާކުރެއްވި.

އިންތިޚާބާ ގުޅުވައިގެން ހިންގާފައިވާ ހަމަނުޖެހުންތަކަށް އަލިއަޅުއްވާލައްވައި މުއިއްޒު ވަނީ ގައުމުގެ މަސްލަހަތު ގެއްލުވާލަން މަސައްކަތް ކުރާ ބަޔަކަށް އެ ފުރުސަތު ނުދިނުމަށް އެދިވަޑައިގެންފަ

އިދިކޮޅު ލީޑަރު ރައީސް ޔާމީން ވަގުތުން ވަގުތަށް ގެޔަށް ބަދަލު ކުރުމަކީ ރައީސް ޞާލިޙަށް ކުރެވޭނެ ކަމެއް ކަމަށް ވިދާޅުވެ، އެމަނިކުފާނު ގެޔަށް ބަދަލުކުރުމަށް މުއިއްޒު އެދިވަޑައިގަތް.

މުއިއްޒު ވިދާޅުވީ ގައުމު އެކަތިގަނޑަކަށްވެ، ސުލްހަ ގާއިމު ކުރަން ޖެހޭ ކަމަށް.

މުއިއްޒު ވިދާޅުވީ އިންތިޚާބުގެ ނަތީޖާއާ ގުޅިގެން އުފާފާޅު ކުރުމުގެ ހަފުލާ ބާއްވާނީ މާދަމާ ކަމަށް. އެއީ، ގާނޫނީ ގޮތުން ކެމްޕޭނާ ގުޅުން ހުރި ހަރަކާތްތައް މާދަމާ ހެނދުނު 6:00އާ ހަމައަށް މަނާކޮށްފައިވާތީ.

އިންތިޚާބީ ރައީސް ޑރ. މުއިއްޒު ބާއްވަވާ ނޫސްވެރިންގެ ބައްދަލުވުން ފަށައިިފި

އީސީން އިންތިޚާބާ ގުޅޭ ގޮތުން ބާއްވާ ޕްރެސް އާއި އެސްއެސްޓީވީގެ އިންތިޚާބީ ކަވަރޭޖް ބައްލަވާލެއްވުމަށް:

މާދަމާ ހެނދުނު 6:00 ޖަހަންދެން ކެމްޕޭން ކުރުމަކީ ގާނޫނީ ގޮތުން މަނާކަމެއް ކަން ހަބީބް ފާހަގަކުރެއްވި.

ހަބީބް ވިދާޅުވީ ހުށަހެޅި ޝަކުވާތަކުގެ ތެރޭގައި ކޮރަޕްޝަނާ ގުޅުންހުރި ދެ މައްސަލަ އާއި އިންތިޚާބީ މުވައްޒަފުންނާ ގުޅުންހުރި 15 މައްސަލައާއި އެންޓި ކެމްޕެއިން ކުރުން ފަދަ ކަންތައްތަކުގެ ތިން މައްސަލައެއް ހުށަހަޅާފައިވާ ކަމަށް.

ހަބީބް ވިދާޅުވީ އިންތިޚާބާ ގުޅުވައި، މާލޭގައި ހުންނަ ކޮމްޕްލެއިންޓްސް ބިއުރޯއަށް 15 މައްސަލައެއް ހުށަހަޅާފައިވާ ކަމަަށާއި އޭގެ ތެރެއިން އެއް ޝަކުވާއަށް ޖަވާބުދީ، 14 މައްސަލަ ބަލަމުންދާ ކަމަށް. އަދި އަތޮޅު ތެރޭގެ ބިއުރޯތަކަށް ވެސް 15 މައްސަލަ ހުށަހަޅާފައިވާ ކަމަށާއި އޭގެ ތެރެއިން އެއް ޝަކުވާއަށް ޖަވާބު ދީފައިވާ ކަމަށް ހަބީބް ވިދާޅުވި. ބާކީ 14 މައްސަލަ އީސީން ބަލަމުންދާކަން އޭނާ ފާހަގަކުރެއްވި.

ގދ. ވާދުގައި ވޮއްޓެއް ފަޅާލި ހާދިސާއާ ބެހޭ ގޮތުން ހަބީބް ވިދާޅުވީ އެ ގެއްލުން ދިނީ އޭނާގެ އަައިޑީ ކާޑާ ގުޅުން ހުރި މައްސަލައެއްގައި ރުޅިގަދަވުމުން ކަމަށް.

އީސީން މިހާރު ދަނީ އިންތިޚާބާ ގުޅޭ ޕްރެސްއެއް ބާއްވަމުން.

ލ. ފޮނުދޫގައި ވޯޓުލާން ދިން ކަރުދާހުގައި މާކެއް ހުރި މައްސަލައާ ބެހޭ ގޮތުން އީސީގެ ނައިބު ރައީސް އިސްމާއީލް ހަބީބް ވިދާޅުވީ ތިން ކަރުދާހެއްގައި އެއް ވައްތަރެއްގެ މާކެއް ހުރި. އެ މައްސަލަ ފާހަގަކުރަމުން، އޭރު ވޯޓުލަމުން އައި ފޮށި ބަންދުކޮށް، އާ ފޮއްޓެއްގައި ވޯޓުލާން ނިންމި ކަމަށް ހަބީބު ވިދާޅުވި. އަދި މައްސަލަ ދިމާވިތާ ގާތްގަނޑަކަށް ދެ ގަޑިއިރު ތެރޭ އަލުން ވޯޓުލާން ފެށުނު ކަމަށް އޭނާ ވިދާޅުވި.

މީގެ އިތުރުން އޮފިޝަލަކު ގަވާއިދާ ޚިލާފު އެއްވެސް ކަމެއް ނުކުރާނެކަމުގެ ވަރަށް ބޮޑު ޔަގީންކަމެއް އޮތް ކަމަށް ހަބީބް ވިދާޅުވި.

ދެ އަހަރު ކުރިން އަޅުގަނޑު ގާތު މުއިއްޒު ވިދާޅުވި ވާހަކަ ވަރަށް ރަނގަޅަށް އަޅުގަނޑު ހަނދާން އެބަހުއްޓެވެ. އެއީ މި ގައުމަށް ގައުމުދެކެ އިންތިހާއަށް ލޯބިވާ އަދި ހަރުދަނާ ބޭފުޅަކު އައުމުން ކަންކަން ހަމަޖެހޭނެ ވާހަކައެވެ.
ތަފްސީލް: https://sun.mv/182621

މި ނަތީޖާއާ އެކު ދެން ކަންތައް ވެގެން ދާނެ ގޮތެއް އަދި ނޭނގެއެވެ. އެނގޭހާ ވެސް އެއްޗަކީ ރައީސް ޞާލިޙްގެ ކާމިޔާބު 30 އަހަރުވީ ސިޔާސީ ހަޔާތަށް ފަހު، މިއީ އަލަތު ނާކާމިޔާބެވެ.
ތަފްސީލް: https://sun.mv/182619

އިންތިޚާބީ ރައީސް ޑރ. މުއިއްޒަށް ލިބިވަޑައިގަތް ކާމިޔާބީއާ ގުޅޭ ގޮތުން މިރޭ 10:00 މީރުމާ ހޯލްގައި ވާހަކަދައްކަވާނެ ކަމަށް ޕީޕީއެމުން ބުނެފި

ޕީޕީއެމް އޮފީސް ކައިރިއަށް އެއްވެ އުފާ ފާޅުކުރަމުންދާ މީހުން ދަނީ އިދިކޮޅު ކޯލިޝަންގެ ލީޑަރު އަބްދުﷲ ޔާމީން އަބްދުލްގައްޔޫމް މިނިވަންކުރުމަށް ގޮވާލަމުން

ވަގުތީ ނަތީޖާއިން މުއިއްޒަށް ރައީސްކަން ކަށަވަރުވުމުން މާލޭގެ އެކި ސަރަހައްދުތަކުގައި ދަނީ އުފާ ފާޅުކުރަމުން.

އެމްޑީޕީގެ ކުރީގެ ރައީސް އަދި ދަ ޑިމޮކްރެޓްސް އުފެއްދުމުގައި އިސްކޮށް އުޅުއްވި މުޙައްމަދު ނަޝީދު ވަނީ އެމްޑީޕީގެ މެންބަރުންނާއި ސަޕޯޓަރުންނަށް ބަދުބަސް ބުނެ، ފުރައްސާރަ ނުކުރުމަށް އެދިވަޑައިގެންފަ.

ރިޔާސީ އިންތިޚާބުގެ ދެވަނަ ބުރުން މިހާތަނަށް ގުނާފައިވާ ވޯޓުން، މުއިއްޒަށް ވަނީ ރައީސްކަން ކަށަރުވެފަ.

ދެވަނަ ބުރުގެ ވަގުތީ ނަތީޖާ ދައްކާ ގޮތުން، މިހާތަނަށް 400 ފޮށި ގުނާފައިވާއިރު، 54 ޕަސެންޓުން ކުރީގައި އުޅުއްވަނީ މުއިއްޒެ.

ތާޖުއްދީން ސްކޫލްގައި ބަހައްޓާފައި ހުރި ފޮއްޓެއްގެ ވޯޓު ގުނާ ގޮތާ ގުޅޭ ގޮތުން ޚިޔާލު ތަފާތުވުން އުފެދި، ބައެއް މީހުން ދަނީ އަޑުގަދަކުރަމުން

މި ފަހަރުގެ އިންތިޚާބުގައި ވޯޓު ކަރުދާހުގެ ފޮޓޯ ނެގުމާއި ވޯޓު ކަރުދާސް ދެއްކުމާ ގުޅިގެން 19 މީހަކު ހައްޔަރު ކޮށްފައިވާ ކަމަށް ފުލުހުން ބުނެފި.

ފުލުހުން ކުރި ޓުވީޓެއްގައި ބުނީ ވޯޓު ކަރުދާސް ދެއްކުމާއި ފޮޓޯ ނެގުމާ ގުޅިގެން 19 މީހަކު ފުލުހުންގެ ބެލުމުގެ ދަށަށް ގެނެސްފައިވޭ. އެކަމަކު، އޭގެ ތެރެއިން 18 މީހުން މިހާރު ވަނީ ދޫކޮށްލާފައި.

މިހާރު ފުލުހުންގެ ބެލުމުގެ ދަށުގައި ހުރީ ގދ. ވާދޫގައި ވޯޓު ފޮށި ފަޅާލައިގެން ހައްޔަރު ކުރި މީހާ އެކަނި.

ވާދޫގައި ހުރި ވޯޓު ފޮއްޓަށް ވޯޓުލާން ދިޔަ މީހަކު، ފޮށި ވަނީ ފަޅާލައިފައި.

މިއަދު ވޯޓުލީ މީހުންގެ އަދަދު 86 ޕަސެންޓަށް ވުރެ މަތި ކަމަށް އީސީގެ ނައިބު ރައީސް އިސްމާއީލް ހަބީބް ވިދާޅުވެއްޖެ

586 ފޮށީގެ ތެރެއިން 44 ފޮއްޓެއްގެ ނަތީޖާ "ސަން"އަށް ލިބިފައިވާއިރު، ކުރީގައި އުޅުއްވަނީ ޕީޕީއެމް، ޕީއެންސީގެ ކެންޑިޑޭޓް ޑރ. މުޙައްމަދު މުއިއްޒު. އެއީ 53.03 ޕަސެންޓު ވޯޓުން. އެމްޑީޕީ ކެންޑިޑޭޓް ރައީސް އިބްރާހީމް މުޙައްމަދު ޞާލިޙަށް ލިބިވަޑައިގަތީ 46.97 ޕަސެންޓް ވޯޓު.

އިންތިޚާބުގެ ނަތީޖާ ވަގުތުން ވަގުތުން ބައްލަވާލެއްވުމަށް
https://riyaasathu.sun.mv/

އީސީގެ ނައިބު ރައީސް އިސްމާއީލް ހަބީބު ވިދާޅުވީ މިހާރު ގިނަ މަރުކަޒުތަކުގެ ވޯޓުލުން ނިމިފައިވާ ކަމަށް. އަދި 5:30ގައި ވޯޓު ގުނަން ފަށާނެ ކަމަށް.

ވާދޫގައި ވޯޓު ފޮއްޓަށް ގެއްލުން ދިން މީހާ ހައްޔަރުކޮށްފި ކަމަށް ފުލުހުން ބުނެފި

ފަހެއް ޖެހުމާއެކު، ކިޔޫ ބަންދުކުރާ ގަޑި ޖެހިއްޖެ. ފަހެއް ޖަހާއިރު ކިޔޫގައި ތިބި މީހުން ނޫން އިތުރު ބަޔަކަށް އެއަށް ފަހު ވޯޓުލުމުގެ ފުރުސަތު ނުދޭނެ ކަމަށް މިއަދު ހެނދުނު އީސީން ވަނީ ބުނެފަ.

މިއަދު 16:00އާ ހަމައަށް 78.32 ޕަސެންޓް މީހުން ވޯޓުލައިފި. އެއީ 221،496 މީހުން. އޭގެ ތެރޭގައި ހިމެނެނީ 111،273 އަންހެނުންނާއި 110،223 ފިރިހެނުން.

ވޯޓު ކަރުދާސް ދެއްކުމާއި ފޮޓޯ ނެގުމާ ގުޅިގެން މިއަދު މިހާތަނަށް 14 މީހަކު ފުލުހުންގެ ބެލުމުގެ ދަށަށް ގެންގޮސްފައިވާ ކަމަށް ފުލުހުން ބުނެފި.

ރައްޔިތުންގެ މަޖިލީހުގެ މެންބަރުން، އައްޑޫ މަރަދޫ ދާއިރާގެ އިބްރާހީމް ޝަރީފާއި، ފޭދޫ ދާއިރާގެ މުހައްމަދު ނިހާދަށް ހަމަލާދިން މައްސަލަ ކަމާ ގުޅުންހުރި އިދާރާތަކުން ވީހާ ވެސް އަވަހަށް ތަހުގީގުކޮށް ފިޔަވަޅު އެޅުމަށް ހިއުމަން ރައިޓްސް ކޮމިޝަނުން ގޮވާލައިފި.

ވޯޓުލުން ކުރިއަށްދާ ވަގުތު ހަމަނުޖެހުން ހިންގަމުންދާ ކަމުގެ ރިޕޯޓުތައް ލިބިފައިވާ ކަމަށާއި އެފަދަ އަމަލުތަކުން ދުރުވެ، ސުލްހަމަސަލަސްކަން ދެމެހެއްޓުމަށް ޓްރާންސްޕޭރެންސީ މޯލްޑިވްސްއިން ގޮވާލައިފި. އެ ޖަމިއްޔާއިން ކުރި ޓުވީޓެއްގައި ވަނީ އިންތިޚާބަށް އިތުބާރު ގެއްލޭ ފަދަ ދޮގު މައުލޫމާތު ނުފެތުރުމަށް ޕާޓީތަކާއި ސަޕޯޓަރުންނަށް ގޮވާލާފަ.

އީސީން އެންމެ ފަހުން އިއުލާން ކުރި ތަފާސްހިސާބުން ދައްކާ ގޮތުގައި މިހާތަނަށް 70.37 ޕަސެންޓް މީހުން ވަނީ ވޯޓުލާފަ. އެއީ 199،023 މީހުން. އޭގެ ތެރޭގައި 100،160 އަންހެނުންނާއި 98،863 ފިރިހެނުން ހިމެނޭ.

ޖިނާއީ ކުށްތަކަށް އަރައިގަންނަ ގުރޫޕުތަކުގެ ހަރަކާތްތައް މާލެ ތެރޭގައި މިއަދު އިތުރުވަމުންދާ ކަމަށް ފާހަގަކުރެވުމުން ސަލާމަތީ ފިޔަވަޅުތައް ވަރުގަދަކޮށްފައިވާ ކަމަށް ފުލުހުން ބުނެފި

https://sun.mv/182616

މިއަދު 14:00އާ ހަމައަށް 60.8 ޕަސެންޓް މީހުން ވޯޓުލައިފި. އެއީ 171،954 މީހުން. އޭގެ ތެރޭގައި 85،513 އަންހެނުންނާއި 86،441 ފިރިހެނުން ހިމެނޭ.

ރައްޔިތުންގެ މަޖިލީހުގެ ރައީސް އަދި އަލަށް އުފެއްދި ދަ ޑިމޮކްރެޓްސް ޕާޓީގެ ބާނީ، ރައީސް މުހައްމަދު ނަޝީދު ވެސް މިހާރު ކުރިއަށްދާ ރިޔާސީ އިންތިޚާބުގެ ދެވަނަ ބުރުގައި ވޯޓު ލައްވައިފި.

އެ މަނިކުފާނާއި އެ މަނިކުފާނު ނިސްބަތްވާ ޑިމޮކްރެޓްސްއިން ވަނީ މި އިންތިޚާބުގެ ދެވަނަ ބުރުގައި އެއްވެސް ޕާޓީއަކަށް ތާއީދު ނުކުރާން ނިންމައިފައި.

ޑިމޮކްރެޓްސް އުފެދިގެން އައީ އެމްޑީޕީގައި އުފެދުނު ހިޔާލު ތަފާތުވުންތަކަށް ފަހު، އެ ޕާޓީން ވަކިވި މެންބަރުން އަޑީގައި ތިއްބަވައިގެން. ޑިމޮކްރެޓްސްއިން ވަނީ ފުރަތަމަ ބުރުގައި ވާދަކުރައްވައި 15،000 ވޯޓު ހޯދާފައި.

ލ. ފޮނަދޫގައި މައްސަލަ ޖެހިގެން ވޯޓްލުން މެދުކަނޑާލި ފޮށީގެ ވޯޓްލުން އަނެއްކާ ވެސް ފަށައިފި.

އިލެކްޝަންސް ކޮމިޝަނުން ބުނީ ދިމާވި މައްސަލަތައް ހައްލު ކޮށްފައިވާ ކަމަށް.

ފޮނަދޫގެ އެ ފޮށީގައި މައްސަލަ ޖެހުނީ ވޯޓު ކަރުދާހުގައި ދެލި ހުރި ކަމުގެ ޝަކުވާއެއް ލިބިގެން.

12:00 އާ ހަމައަށް 126866 މީހުން ވޯޓްލާފައިވާ ކަމަށް އިލެކްޝަންސް ކޮމިޝަނުން ބުނެފި. އެއީ ވޯޓް ލިބުމުގެ ހައްގު ލިބިގެންވާ 44.86 ޕަސެންޓް.

އީސީއިން ބުނީ މިހާތަނަށް ވޯޓްލާފައިވަނީ 61343 އަންހެނުންނާއި 65523 ފިރިހެނުން ކަމަށް.

މިއަދު 11:00އާ ހަމައަށް 97،220 މީހުން ވޯޓުލައިފި. އެއީ ވޯޓުލެވޭ އާބާދީގެ 34.38 ޕަސެންޓް. އޭގެ ތެރޭގައި ހިމެނެނީ 44،763 އަންހެނުންނާއި 52،457 ފިރިހެނުން.

މި އިންތިޚާބުގެ ފުރަތަމަ ބުރުގައި 10:00އާ ހަމައަށް ވޯޓުލީ 12.81 ޕަސެންޓް މީހުން. އެއީ 36،163 މީހުން. އެހެންކަމުން، މި ބުރުގައި ދުރާލާ ވޯޓުލާ މީހުންގެ އަދަދު ގިނަ.

ފުލުހުން ބުނީ، ފޮނަދޫގައި ވޯޓުލާ މަރުކަޒުގެ އޮފިޝަލަކު ވޯޓު ކަރުދާހުގައި ކުރަހާފައި ދޭކަމުގެ ޝަކުވާ ފުލުހުންނަށް ހުށަހަޅާފައިވާ ކަމަށް. އަދި މިކަމާ ގުޅިގެން ބަލަންޖެހޭ ކަންކަން ބަލަމުންދާ ކަމަށް ފުލުހުން ބުނި.

ލ. ފޮނުދޫގައި ވޯޓު ކަރުދާހުގައި ދެލި ހުރި ކަމުގެ ޝަކުވާއެއް ލިބިފައިވާ ކަމަށާއި އެ ފޮށީގެ ވޯޓު ލުން މެދުކެނޑިފައިވާ ކަމަށް އީސީން ބުނެފި

ރައީސް އިބްރާހިމް މުހައްމަދު ޞާލިޙް ވޯޓު މިހާރު ވަނީ ލައްވާފައި -- ސަން ފޮޓޯ/ އިބްރާހިމް ޝަމްވީލް

ރައީސް އިބްރާހިމް މުހައްމަދު ޞާލިޙް ވޯޓު ލައްވަނީ -- ސަން ފޮޓޯ/ އިބްރާހިމް ޝަމްވީލް

ރައީސް އިބްރާހިމް މުހައްމަދު ޞާލިޙް ވޯޓު ލައްވަނީ -- ސަން ފޮޓޯ/ އިބްރާހިމް ޝަމްވީލް

ވޯޓުލެއްވުމަށް ފަހު މީޑިއާއާ ވާހަކަދައްކަވަމުން ރައީސް ވިދާޅުވީ އެމަނިކުފާނަށް އިންތިޚާބު ކާމިޔާބު ކުރެވޭނެ ކަމަށް ގަބޫލުކުރެވޭ ކަމަށް. އަދި އެމްޑީޕީން މި އިންތިޚާބުގައި މިހާތަނަށް ވެސް އަދި އެއްވެސް އިންތިޚާބެއްގައި ވެސް ގާނޫނާ ޚިލާފު އެއްވެސް ކަމެއް ކޮށްފައި ނުވާނެ ކަމަށް ރައީސް ވިދާޅުވި.

ރައީސް ލަފާކުރައްވަނީ މިފަހަރު 85-86 ޕަސެންޓް މީހުން ވޯޓު ލާނެ ކަމަށް.

ވެރިކަން ކުރާ އެމްޑީޕީގެ ކެންޑިޑޭޓް ރައީސް އިބްރާހީމް މުޙައްމަދު ޞާލިޙް ވޯޓުލައްވައިފި. އެ މަނިކުފާނު ވޯޓުލެއްވީ ޖަމާލުއްދީން ސްކޫލްގައި ހުންނަ ވޯޓު ފޮއްޓަކަށް.

ޓްރާންސްޕޭރެންސީ މޯލްޑިވްސްއިން ނެރުނު ބަޔާނެއްގައިވާ ގޮތުން ވޯޓު ފޮށި ބަހައްޓާފައިވާ 96 ޕަސެންޓް މަރުކަޒުގައި ތައްޔާރީތައް ހަމަޖައްސާފައި ވަނީ ވޯޓުގެ ސިއްރުކަން ކަށަވަރުވާ ގޮތަށް ކަމަށް. ނަމަވެސް ބާކީ ހަތަރު ޕަސެންޓް މަރުކަޒު ހުރީ ވޯޓުގެ ސިއްރުކަން ކަށަވަރު ނުވާ ގޮތަށް ކަމަށް އެ ބަޔާނުގައިވޭ.

ފުލުހުން ބުނީ ފުވައްމުލަކުގައި ވޯޓު ކަރުދާސް ފޮޓޯ ނެގިކަމަށް ތުހުމަތުކުރެވޭ މީހަކު ފުލުހުންގެ ބެލުމުގެ ދަށަށް ގެނެސް، މައުލޫމާތު ސާފުކުރުމަށްފަހު މިހާރުވަނީ ދޫކޮށްލާފައި ކަމަށް.

ދެވަނަ ބުރުގައި ވޯޓުލާން ލަންޑަން އަދި އަބޫދާބީގައި ބަހައްޓާފައި ހުރި ވޯޓު ފޮށި ފިޔަވާ އެހެން ހުރިހާ ފޮއްޓެއްގެ ވޯޓުލުން މިހާރު ފެށިގެން ކުރިއަށްދާ ކަމަށް އީސީން ބުނެފި

ވޯޓުލުން މުޅި ރާއްޖޭގައި ފެށިގެން ކުރިއަށް ދާއިރު، މިހާތަނަށް ހުރިހާ ކަމެއް ވެސް ކުރިއަށް ދަނީ އަމާންއޮމާންކޮށް.

ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒު ވޯޓު ލައްވަނީ -- ސަން ފޮޓޯ/ އިބްރާހިމް ޝަމްވީލް

ޕީއެންސީގެ ރިޔާސީ ކެންޑިޑޭޓު ޕާޓީގެ ބައެއް ލީޑަރުންނާ އެކު ވޯޓުލާން ވަޑައިގަންނަވަނީ -- ސަން ފޮޓޯ/ އިބްރާހިމް ޝަމްވީލް

ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒު ވޯޓުލެއްވުމަށް ފަހު ނޫސްވެރިންނާ ވާހަކަފުޅު ދައްކަވަނީ -- ސަން ފޮޓޯ/ އިބްރާހިމް ޝަމްވީލް

ވޯޓުލެއްވުމަށް ފަހު މީޑިއާއާ ވާހަކަދައްކަވަމުން މުއިއްޒު ވަނީ ވޯޓުލުމުގެ ހައްގު ލިބިފައިވާ އެންމެން، އެ ހައްގު ބޭނުންކުރުމަށް އެދިވަޑައިގެންފަ. އަދި ކުރީފަހަރު ގިނަ އަދަދެއްގެ މީހުން ވޯޓުނުލާކަން ފާހަގަކުރައްވައި މުއިއްޒު ވަނީ ވީހާ ވެސް އަވަހަކަށް ވޯޓުލުމަށް އެދިވަޑައިގެންފަ.

ވޯޓު ލުމަކީ 18 އަހަރުން މަތީގެ ކޮންމެ ދިވެހި ރައްޔިތަކަށް ގާނޫނު އަސާސީން ލިބިދީފައިވާ ވަރަށް މުހިއްމު އަސާސީ ހައްގަކަށް ވީހިނދު، އެ ހައްގުގެ ބޭނުން ހިފައި، ވޯޓުލުމުގެ ފަރުދީ ޒިންމާ އަދާކުރަން ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރުސީއެމް)އިން ގޮވާލައިފި

އިންތިޚާބުގެ ދެވަނަ ބުރުގެ ވޯޓުލާން ފަށައިފި

ދެވަނަ ބުރުގައި ވޯޓުލާ މަރުކަޒުތަކުގައި މިއަދު ހެނދުނު 8:00 ވުމާ އެކު ވަނީ ވޯޓުލާން ފަށާފައި. ވޯޓުލުން މިއަދު ހަވީރު 5:00 އާ ޖެހެންދެން ކުރިއަށް ގެންދަން އީސީން ވަނީ ނިންމާފައި.

އީސީގެ ނައިބު ރައީސް އިސްމާއީލް ހަބީބު ވަނީ ވޯޓު ލާން ދީފައިވާ ގަޑި އިތުރު ނުކުރާނެ ކަމަށާއި 17:00ގައި ކިޔޫ ބަންދުކުރާނެ ކަމަށް ވިދާޅުވެފަ.

އިލެކްޝަންސް ކޮމިޝަން (އީސީ) އިން އިލްތިމާސް ކުރަނީ ރިޔާސީ އިންތިޚާބުގެ ދެވަނަ ބުރުގެ ވޯޓު ލާއިރު އެއްވެސް ނުފޫޒެއްގައި ނުޖެހި، އެ މީހަކަށް ފެންނަ އެންމެ ރަނގަޅު މީހަކަށް ވޯޓުލުމަށް

ރިޔާސީ އިންތިޚާބުގެ ދެވަނަ ބުރުގެ ވޯޓުލުން ފެށޭނީ 8:00ގައި. ނަމަވެސް މިހާރު ވެސް ބައެއް ވޯޓު ފޮށިތައް ކައިރީގައި ވަނީ ކިޔޫ ހަދާފަ.