މިދިޔަ އޮގަސްޓް މަހު އެކަނި 171 ކައިވެންޏާއި 132 ވަރި ކޮށްދީފައިވާ ކަމަށް ފެމިލީ ކޯޓުގެ ތަފާސް ހިސާބު ތަކުން ދައްކައިފިއެވެ.
ފެމިލީ ކޯޓުގެ ތަފާސް ހިސާބުތަކުން ދައްކާ ގޮތުން މިދިޔަ މަހު މުޅި ޖުމްލަ ވަރީގެ 188 މައްސަލަ ނިންމާފައިވެއެވެ.
ފެމިލީ ކޯޓުން ބުނީ މިދިޔަ މަހު ވަރި ކުރުމަށް މުޅި ޖުމްލަ 32 މައްސަލައެއް ހުށަހަޅާފައިވާ ކަމަށެވެ. އަދި، އޭގެ ކުރީ މަހު ނުނިމި އޮތް 34 މައްސަލައެއް އޮތް ކަމަށް ވެސް އެ ކޯޓުގެ ތަފާސް ހިސާބުތަކުން ދައްކައެވެ. އޭގެ ތެރެއިން 39 މައްސަލައެއް ނިމިފައިވާއިރު، 27 މައްސަލައެއް އަދިވެސް ނުނިމި އޮތް ކަމަށް ވެސް ތަފާސްހިސާބުތަކުން ދައްކައެވެ.
ފެމިލީ ކޯޓުގެ ތަފާސް ހިސާބުތަކަށް ބަލާއިރު މި މަހު މުޅި ޖުމްލަ ވަރިވުމަށް 83 ފޯމެއް ހުށަހަޅާފައިވާއިރު، އޭގެ ކުރީ މަހު ވަރިވުމަށް ހުށަހަޅާ ނުނިމި ހުރި މައްސަލަ ތަކުގެ އަދަދު މުޅި ޖުމްލަ 124އަށް އަރައެވެ. މީގެ ތެރެއިން 90 މައްސަލައެއް ނިމިފައިވާއިރު 117 މައްސަލައެއް އަދިވެސް ނުނިމެއެވެ.
މީގެ އިތުރުން މިދިޔަ މަހު ވަރި ސާބިތު ކުރުމަށް 67 ހުށަހެޅުމެއް ހުށަހަޅާފައިވާއިރު 39 މައްސަލައެއް ނުނިމި އޮތް ކަމަށް ވެސް އެ ކޯޓުން ބުނެއެވެ.
މީގެ އިތުރުން ވެސް ފެމިލީ ކޯޓުން ދަނީ އާއިލާއާ ގުޅުންހުރި އެކިއެކި މައްސަލަތައް ބަލަމުންނެވެ.