ފ. ނިލަންދޫ އާއި ފ. ބިލެތްދޫގައި ބަނދަރު ތަރައްގީ ކުރުމުގެ މަޝްރޫއު އެމްޓީސީސީއާ މިއަދު ހަވާލުކޮށްފިއެވެ.
ޕްލޭނިން މިނިސްޓްރީގައި މިއަދު ބޭއްވި ރަސްމިއްޔާތެއްގައި، މި ދެ އެއްބަސްވުމުގައި ވެސް އެ މިނިސްޓްރީގެ ފަރާތުން ސޮއިކުރެއްވީ، ޕާާމަނަންޓް ސެކްރެޓަރީ ޒީނިޔާ އަޙުމަދު ޙަމީދުއެވެ. އެމްޓީސީސީގެ ފަރާތުން ސޮއި ކުރެއްވީ އެ ކުންފުނީގެ ޗީފް އެގްޒެކެޓިވް އޮފިސަރު އާދަމް އާޒިމްއެވެ.
ބިލެތްދޫ ބަނދަރު ތަރައްގީކުރުމުގެ އެއްބަސްވުމުގެ ދަށުން ކުރެވޭ މަސައްކަތްތަކަކީ:
- ބިލެއްދޫ ހުޅަނގު ދެކުނުގައި ބަނދަރުގައި 133 މީޓަރުގެ ކޮންކްރީޓް ޖެޓީއެއް ގާއިމުކުރުން
- 224 މީޓަރުގެ ބޮޑުހިލަ ރިވެޓްމަންޓެއް ޖަަހައި، 440 މީޓަރުގެ ބޮޑުހިލަ ރިވެޓްމަންޓް ރިޕްރޮފައިލްކުރުން
- 21 މީޓަރުގެ ނެރުފައިކަށި ރިޕްރޮފައިލްކުރުން
- 84 މީޓަރުގެ ބޮޑިހިލަ ބޭރުތޮށ،ި 95 މީޓަރުފުޅާ ދޯނިއެހެލާ ސަރަޙައްދާއިއެކު 225 މީޓަރުގެ ބޮޑުހިލަ ރިވެޓްމަންޓް ޖެހުން
- އަލަށް އިތުރުކުރެވޭ ބަނދަރު އެއްގަމުފަޅީގައި 250 މީޓަރުގެ ބޮޑުހިލަ ރިވެޓްމަންޓ،ް ފަސް މީޓަރު ފުޅާ ޕޭވްމަންޓެއް ގާއުމުކޮށް ބަނދަރު ސަރަޙައްދާއި ނެރު ފުންކުރުން
- ބަނދަރު ނެރު ބައްތި އަދި ހާބަރު ލައިޓް ޖެހުމާއި އިރުއުތުރު ފަރާތުގައި 44 މީޓަރުގެ ބޮޑުހިލައިގެ ހަތް ބޭރުތޮށި ލުން
މިއީ 450 ދުވަހުގެ ތެރޭގައި ނިންމާ ގޮތަށް ހަވާލުކުރި، 66.96 މިލިއަން ރުފިޔާގެ މަޝްރޫއެކެވެ.
ނިލަންދޫ ބަނދަރު ތަރައްގީ ކުރުމުގެ އެއްބަސްވުމުގެ ދަށުން ކުރެވޭ މަސައްކަތްތަކަކީ:
- ރަށުގެ އިރު އުތުރު ފަރާތުގައި 130 މީޓަރުގެ ބޮޑުހިލައިގެ ނެރުފައިކަށި ގާއިމުކުރުމާއި 131 މީޓަރުގެ ބޮޑުހިލައިގެ ރިވެޓްމަންޓެއް ޖެހުން
- 194 މީޓަރުގެ ސޭންޑް ފިލްޑް ބްރޭކްވޯޓާ ގާއިމުކޮށް، 30 މީޓަރު ދިގުމިނުގެ ޓީޖެޓީއެއް ގާއިމުކުރުން
- 237 މީޓަރުގެ ކޮންކޮރީޓް ކީވޯލް އާއި 100 މީޓަރުގެ ކޮންކްރީޓް ޖެޓީއެއް ގާއިމުކުރުން
- ކޮންކްރީޓް ރޭމްޕް ގޮނޑުދޮށް ހިމާޔަތްކުރުމަށް 75 މީޓަރުގެ ބޮޑުހިލައިގެ ރިވެޓްމަންޓެއް ޖެހުން
- ފަސް މީޓަރު ފުޅާ ޕޭވްމަންޓާއިއެކު އާ ބަނދަރު ބައްތި އަދި އެކްސެސް ޕްލެޓްފޯމް އެޅުން
މިއީ 510 ދުވަހުގެ ތެރޭގައި ނިންމާ ގޮތަށް ހަވާލުކުރި 61.75 މިލިއަން ރުފިޔާގެ މަޝްރޫއެކެވެ.
އެމްޓީސީސީއަކީ ގިނަ ރަށްތަކެއްގެ ބަނދަރު ހެދުމުގެ މަސައްކަތް ނިންމާ، އިތުރު ރަށްރަށުގެ ބަނދަރު ހެދުމުގެ މަސައްކަތް މިހާރު ވެސް ކުރަމުން އަންނަ، މި މަސައްކަތަށް ރާއްޖޭގައި އެންމެ ފުންނާބުއުސް އެންމެ ތަޖުރިބާކާރު ކުންފުންޏެވެ.