ޒިކުރާ އިންޓަރނޭޝަނަލް ކޮލެޖުން ކުރިއަށް އޮތް ޖުލައި މަހު ފެށުމަށް ހަމަޖެހިފައިވާ ކޯސްތަކަށް ވަނުމުގެ ފުރުސަތު މިއަދު ހުޅުވާލައިފިއެވެ.
ޒިކުރާ ކޮލެޖުން ބުނީ ޖުލައި މަހުގެ އިންޓޭކުގައި ފެށުމަށް ހަމަޖެހިފައިވާ ކޯސްތަކުގެ ތެރޭގައި ސެޓްފިކެޓް 3 އިން ފެށިގެން މާސްޓަރސް ލެވެލް އާއި ހަމަހައަށް ތަފާތު ދާއިރާތަކުގެ ޕްރޮގްރާމްތަށް ހިމެނޭ ކަމަށެވެ.
މީގެ ތެރެއިން ޕޯސްޓް ގްރެޖްއޭޓް ޕޮރޮގްރާމް ތަކުގެ ތެރޭގައި ހިމެނެނެނީ މާސްޓަރ އޮފް ބިޒްނަސް އެޑްމިނިސްޓްރޭޝަން، މާސްޓަރ އޮފް ޓީޗިން ޤުރުއާން، މާސްޓަރ އޮފް އެޑިއުކޭޝަން، މާސްޓަރ އޮފް އެޑިއުކޭޝަނަލް މެނޭޖްމެންޓް އަދި މާސްޓަރ އޮފް އިންކްލޫސިވް އެޑިއުކޭޝަނެވެ.
މީގެ އިތުރުން ސެޓްފިކެޓް ލެވެލް 3 އިން ފެށިގެން ބެޗެލަރސް ޑިގްރީ އާއި ހަމައަށް ޕްރޮގްރާމްތައް ކުރިއަށް ގެންދާ ދާއިރާ ތަކުގެ ތެރޭގައި ބިޒްނަސް މެނޭޖްމެންޓް، އޮފީސް އެޑްމިނިސްޓްރޭޝަން، ހިއުމަން ރިސޯސް، އެކައުންޓިންގ އެންޑް ފައިނޭންސް، ބޭންކިންގް، ޓުއަރިޒަމް، ނަރސިން، ޓީޗިންގ، ޤުރުއާން، ލެންގުއޭޖް (އިނގިރޭސި އަދި އަރަބި) އަދި ސައިކޮލޮޖީގެ ކޯސްތައް ހިމެނެއެވެ.
ޒިކުރާ ކޮލެޖުގެ ދަރިވަރުން އެ ކޮލެޖުގައި...
ޒިކުރާ ކޮލެޖުން ވަނީ ޖުލައި އިންޓޭކުގައި އޮންލައިން ޕްރޮގްރާމްތަކެއްވެސް ކުރިއަށްގެންދިއުމަށް ނިންމާފައެވެ. މީގެ ތެރޭގައި ބިޒްނަސް ނުވަތަ މެނޭޖްމަންޓާއި ގުޅުންހުރި ދާއިރާތަކުގެ ޕްރޮގްރާމްތައް ހިމެނެއެވެ. މި ޕްރޮގްރާމްތަކަކީ މޯލްޑިވްސް ކޮލިފިކޭޝަން އޮތޯރިޓީ އިން ހުއްދަ ލިބިފައިވާ ޕްރޮގްރާމްތަކެކެވެ.
ސަރުކާރުގެ ހިލޭ ޑިގްރީ ޕްރޮގްރާމްގެ ދަށުން ވެސް ޒިކުރާ ކޮލެޖުން ހިންގާ ކޯސްތަކުގައި ބައިވެރި ވެވެއެވެ. މިގޮތުން ދަރިވަރުން އަތުން އިތުރު އެއްވެސް ފީ އަކާއި ނުލާ ޒިކުރާ އިންޓަރނޭޝަނަލް ކޮލެޖުން ބެޗެލާސް ޑިގްރީ ނިންމާލެވެއެވެ.