ހުޅުމާލެ ދެވަނަ ފިޔަވަހީގައި ރޭ ދަންވަރު މީހަކަށް ތޫނު އެއްޗަކުން ހަމަލާދީ ޒަޚަމްކޮށްލައިފިއެވެ.
މިކަމާ ގުޅިގެން ފުލުހުންގެ މީޑިއާ އޮފިޝަލަކު "ސަން"އަށް ވިދާޅުވީ، ހުޅުމާލޭގައި ތޫނު އެއްޗަކުން މީހަކަށް ހަމަލާދިންކަމުގެ ރިޕޯޓު ލިބުނީ ރޭ 01:15 ހާއިރުކަމަށެވެ.
މި މައުލޫމާތު ލިބުމާއެކު، ފުލުހުން ސީންއަށް އެޓެންޑްވެ އަނިޔާ ލިބުނު މީހާ ހޮސްޕިޓަލަށް ގެންދިޔަކަަމަށް ފުލުހުން ބުންޏެވެ. މި ހާދިސާގައި އަނިޔާވީ އުމުރުން 26 އަހަރުގެ ދިވެހި ފިރިހެނަކަށެވެ.
ފުލުހުންގެ ސީރިއަސް އެންޑް އޮގަނައިޒް ކްރައިމް ޑިޕާޓްމަންޓުން އަންނަނީ މި މައްސަލަ ތަހުގީގުކުރަމުންނެވެ.