މަޝްހޫރު ޑްރާމާ ސީރީޒް "ދިރިއުޅުމަކީ މިއީބާ؟" އިން ދިވެހިންގެ ބޮޑު މަގުބޫލު ކަމެއް ހޯދި ކޮމެޑިއަން އަބްދުﷲ އަލީ (އިބްރާހީމްބެ) ނިޔާވެއްޖެއެވެ.
އުމުރުން 58 އަހަރުގައި އިބްރާހީމްބެ ނިޔާވީ ހޮސްޕިޓަލުގައި ފަރުވާ ދެމުން ދަނިކޮށް ރޭ ދަންވަރުގެ ވަގުތެއްގައެވެ. އޭނާ ވަރަށް ބޮޑަށް ބަލިކޮށް އުޅޭތާ ދުވަސްތަކެއް ވެއްޖެއެވެ.
"ދިރިއުޅުމަކީ މިއީބާ" ގައި އިބްރާހިމްބެ މުޅީންވެސް ފެންނަނީ ވަރަށް ރުޅިގަދަ ރޯލުތަކުންނެވެ. އެ ކެރެކްޓާ އެންމެ ފުރިހަމައަށް އަދާކުރާ އެކަކީ އޭނާއެވެ.
ކޮންމެ އަހަރަކު ރޯދަ މަހަށް ހާއްސަކޮށް ނެރުނު "ދިރިއުޅުމަކީ މިއީބާ" އިން އެންމެ ބޮޑު މަޝްހޫރު ކަމެއް ހޯދި އެކަކީ އޭނާއެވެ. އިބްރާހިމްބެ ވެގެން ގޮސްފައިވަނީ ދިވެހިންނަށް ވަރަށް ކަމުދިޔަ އެކްޓަރަކަށެވެ.