ހދ. ނޮޅިވަރަނފަރުން ކެނޯއެއްގައި މަސްހިފަންދިޔަ ދެ ބިދޭސީންގެ ތެރެއިން އެކަކު ގެއްލިއްޖެއެވެ.
މިކަމާ ގުޅިގެން ފުލުހުންގެ މީޑިއާ އޮފިޝަލަކު ވިދާޅުވީ މިއީ ނޮޅިވަރަނފަރު ގެސްޓު ހައުސްއެއްގައި މަސައްކަތްކުރާ ދެ ބިދޭސީންކަމަށެވެ. އަދި އޭގެތެރެއިން ބިދޭސީއެއް ގެއްލިފައިވާކަމުގެ ރިޕޯޓު ފުލުހުންނަށް ލިބިފައިވަނީ މިއަދު މެންދުރު 02:15 ހާއިރުކަމަށް ވެސް އޮފިޝަލް ވިދާޅުވިއެވެ.
ގެއްލިފައިވަނީ އުމުރުން 29 އަހަރުގެ ބަނގްލަދޭޝް ފިރިހެނެކެވެ. އަދި އޭނާ ގެއްލިފައިވަނީ ނޮޅިވަރަންފަރުގެ ހުޅަނގު ފަރާތުން ގާތްގަނޑަކަށް 200 މޭލު ބޭރުންކަމަށް ފުލުހުން ބުންޏެވެ.
"ގެއްލުނު މީހާ ހޯދުމުގެ މަސައްކަތް ފުލުހުންނާއި އެމްއެންޑީއެފް އިން ދަނީ ކުރަމުން،" ފުލުހުން ބުންޏެވެ.