ދުނިޔޭގެ ތިމާވެށި ދުވަހާއި ގުޅިގެން "ދުނިޔެ މަގޭ" ނަމުގައި ހާއްސަ ކެމްޕޭނެއް އެޗްޑީސީއިން އިފްތިތާހުކޮށްފިއެވެ.
އެޗްޑީސީއިން ބުނީ ދުނިޔޭގެ ތިމާވެއްޓަށް އަންނަމުންދާ ބަދަލުތަކާއި ތިމާވެށި ރައްކާތެރި ކުރުމަށް ހޭލުންތެރިކަން އިތުރުކުރުމަށް އިފްތިތާހު ކުރި ކެންޕޭނުގެ ދަށުން ގިނަ ކަންތައްތަކެއް މުޅި އަހަރަށް ބަހާލައިގެން ކުރަން ރާވާފައިވާ ކަމަށެވެ.
މި ކެމްޕޭނުގެ ދަށުން ހުޅުމާލެ އާއި އެ ކޯޕަރޭޝަންގެ ބިޔޯންޑް ހުޅުމާލޭގެ ދަށުން ތިމާވެއްޓަށް ގެއްލުން ހުރި ކަންކަން ދެނެގަނެ ރައްކާތެރި މާހައުލެއް ޤާއިމުކޮށްދިނުމަށް ހަމަޖެހިފައިވާ ކަމަށާއި އަދި ހުުޅުމާލެ އަކީ ތިމާވެއްޓާ ރައްޓެހި ސްމާޓު ސިޓީއަކަށް ހެދުމަށް ކުރަމުންގެންދާ މަސައްކަތްތަކަށް އިތުރު ފުރިހަމަ ކަމެއް މި ކެންޕޭނުގެ ދަށުން ލިބިގެންދާނެ ކަމަށް އެޗްޑީސީއިން ބުންޏެވެ.
އެޗްޑީސީގެ މި ކެންޕޭނުގެ އަމާޒަކީ ތިމާވެށީގެ ހައްޤުގައި އަޑު އުފުލުމަށް ހިތްވަރުދީ އަދި ތިމާވެށި ރައްކާތެރި ކުރުމަށް ކަނޑައަޅާފައިވާ ފިޔަވަޅުތައް ތަންފީޒު ކުރުމަށް ގޮވާލުމެވެ.