ގަންނަމާޓުގެ ރަމަޟާން ޕްރޮމޯޝަން ފަށައިފިއެވެ.
ރަމަޟާން މަސް ނިމެންދެން ކުރިއަށްގެންދާ މި ޕްރޮމޯޝަންގައި، ގަންނަމާޓްގެ ބުރުޒުމަގުގައި ހުންނަ ފިހާރައިންނާއި ގަންނަމާޓް އެޕުން ވިޔަފާރި ކޮށްގެންވެސް ޕްރޮމޯޝަނުގައި ބައިވެރި ވެވޭނެއެވެ.
އޭގެ ތެރެއިން، އޮންލައިންކޮށް، އެޕުން ވިޔަފާރި ކުރާ މީހުންގެ ތެރެއިން ގުރުއަތުން ހޮވޭ ނަސީބުވެރިއަކަށް ދޭން ހަމަޖެހިފައި ވަނީ އައިފޯން13އެވެ. އަދި ފިހާރައަށް ގޮސްގެން ވިޔަފާރި ކުރާ މީހުންގެ ތެރެއިން ހޮވޭ ނަސީބުވެރިއަކަށް ޕީއެސް5އެއް ލިބޭނެއެވެ.
ގަންނަމާޓުގެ ޕްރޮމޯޝަންގެ ތެރޭގައި، ބައެއް ތަކެތިން 25 ޕަސެންޓާ ހަމައަށް ޑިސްކައުންޓްވެސް ލިބޭނެއެވެ.
ގަންނަމާޓްގެ ރޯދަ ޕްރޮމޯޝަން -- ފޮޓޯ/ ގަންނަމާޓް
ގަންނަމާޓް އެޕުން އެއްޗެއް އޯޑަރު ކުރާއިރު ޑެލިވަރީއަށް ތިން ގަޑިއެއްގެ ތެރެއިން ގަޑިއެއް އިޚްތިޔާރުކުރުމުގެ ފުރުސަތު ލިބެއެވެ. ރަމަޟާންމަހު އެގަޑިތަކުގެ ގޮތުގައި ކަނޑައަޅާފައި ވަނީ މެންދުރުފަހު 2:00ން 4:00ށް އަދި ރޭގަނޑު 10:00އިން 11:00އަށެވެ.
ގަންނަމާޓްގެ ފިހާރަތައް ހުޅުވާފައި ހުންނާނީ، މެންދުރުކުރީ 10:00އިން ހަވީރު 5:00އަށް އަދި ރޭގަނޑު 9:00އިން 12:00އަށެވެ.
ގަންނަ މާޓް އެޕުން، އާންމުކޮށް ކަންމަތީ ފިހާރައަކުން ލިބެން ހުންނަ ހުރިހާ އެއްޗެއް ފަސޭހަކަމާއެކު ލިބޭނެއެވެ. އެގޮތުން، ތާޒާ މޭވާއާއި ތަރުކާރީ، އެކި ވައްތަރުގެ ކާބޯތަކެތި، ރީތިވާ ސާމާނު، އަދިވެސް އާންމު ދިރިއުޅުމަށް ބޭނުންވާ ގިނަ ސާމާނު އާންމު އަގުގައި ލިބެން ހުންނާނެއެވެ.
މާލޭ ބަނދަރުގައި އޮންނަ ބޯޓުތަކަށް ވެސް ގަންނަމާޓުން ޑެލިވަރީގެ ޚިދުމަތް ދޭތީ، އެއީ ރަށްރަށުން އާންމުކޮށް ލިބެން ނުހުންނަ މުދާ ހޯދުމަށް ފަސޭހައަކަށް ވެގެންދާނެއެވެ.
ގަންނަމާޓް އެޕްލިކޭޝަން ޕްލޭ ސްޓޯރުންނާއި އެޕް ސްޓޯރުން ޑައުންލޯޑު ކުރެވެން ހުރިއިރު ވައިބާ މެދުވެރިކޮށް ވެސް ތަކެތި އޯޑަރު ކުރެވޭނެއެވެ.