އައްޑޫ ސިޓީ، މަރަދޫފޭދޫގެ ފަޅު ގެއެއްގެ ތެރެއިން މަރުވެފައި އޮތް މީހަކު މިއަދު ފެނިއްޖެއެވެ.
މަރުވެފައި އޮއްވައި ފެނިފައިވަނީ ފުވައްމުލަކު، ހިތަށްފިނިވާގޭ، އަލީ އިބްރާހިމް، 40، އެވެ.
ފުލުހުން ބުނީ އެ މީހާގެ ހަށިގަނޑުގެ ބޭރުފުށުން އެއްވެސް އަނިޔާއެއް ފެންނަން ނެތް ކަމަށެވެ.
މަރަދޫފޭދޫ ކައުންސިލް މެމްބަރު، ހާލިދާ މުހައްމަދު "ސަން" އަށް ވިދާޅުވީ މަރުވެފައި އޮއްވައި ފެނިފައިވަނީ އެ ސިޓީގެ ފޭދޫގެ މީހަކާ އިނދެގެން އުޅޭ ފުވައްމުލަކު މީހެއް ކަމަށެވެ.
"އެއީ ފޭދޫގައި ދިރިއުޅޭ މީހެއް. އިތުރު ތަފްސީލެއް އަދި ނުލިބޭ،" ހާލިދާ ވިދާޅުވިއެވެ.
އެ މައްސަލަ ފުލުހުން އަންނަނީ ތަހުގީގު ކުރަމުންނެވެ.