ރާއްޖެއިން ފާއިތުވެދިޔަ 24 ގަޑިއިރުގެ ތެރޭގައި ނެގި 4,614 ސާމްޕަލްގެ ތެރެއިން ޕޮޒިޓިވްވީ 111 މީހަކު ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ)ގެ ތަފާސް ހިސާބުތަކުން ދައްކައިފިއެވެ.
އެޗްޕީއޭގެ ތަފާސްހިސާބުގައިވާ ގޮތުން ވޭތުވެދިޔަ 24 ގަޑިއިރު ތެރޭގައި ޕޮޒިޓިވްވެފައިވަނީ، އަތޮޅުތެރެއިން 84 މީހަކާއި މާލެއިން 13 މީހުން އަދި ރިސޯޓްތަކުން 14 މީހުންނެވެ.
ކޮވިޑްގެ އެކްޓިވް ކޭސްތަކުގެ އަދަދަކީ މިހާރު 1،251 އެވެ.
މި ބަލީގައި 17 މީހަކަށް މިހާރު ހޮސްޕިޓަލުތަކުގައި ފަރުވާދެމުން އެބަދެއެވެ. އަދި ބަލި ޖެހުނު މީހުންގެ އަދަދު 86,088 އަށް އަރައިފައިވާއިރު އޭގެ ތެރެއިން 84,587 މީހަކު ވަނީ ބަލިން ރަނގަޅުވެފައެވެ.
މިއަދާ ހަމައަށް ކޮވިޑް ބަލީގައި ރާއްޖެއިން މަރުވެފައިވަނީ ޖުމްލަ 237 މީހުންނެވެ.