ކޮވިޑް-19 އިން ދިފާއުވެ އާންމު ހާލަތަަކަށް ދާން ބޭނުންނަމަ ހުރިހާ ރައްޔިތުންވެސް ވެކްސިން ޖެހުމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު އިލްތިމާސް ކުރައްވައިފިއެވެ.
ރައީސް ސޯލިހު ވިދާޅުވީ ކޮވިޑް-19 އިން ދިފާއުވެ އާންމު ހާލަތަކަށް ދެވެން އޮތް ހަމައެކަނި މަގަކީ ވެކްސިން ފުރިހަމަކުރުން ކަމަށެވެ.
އަދި ވެކްސިން ނުޖަހާނަމަ ވީހާވެސް އަވަހަށް ވެކްސިން ޖެހުމަށް ހުރިހާ ރައްޔިތުންގެ ކިބައިން ރައީސް ވަނީ އެދިވަޑައިގެންފައެވެ.
https://twitter.com/ibusolih/status/1421327809838948355?s=09
ރާއްޖޭގައި މިހާރު ވެކްސިން ނުޖަހާ ތިބި އެންމެންނަށް ދެ ޑޯޒު ވެކްސިން ފުރިހަމަކުރެވޭ މިންވަރަށް ރާއްޖެއަށް ވެކްސިން ގެނެސްފައިވާ ކަމަށް ރައީސް ސޯިހު ވަނީ މިނިވަންދުވަހު ވިދާޅުވެފައެވެ.
އަދި ސަރުކާރުގެ އަމާޒަކީ ރާއްޖޭގައި އުޅޭ އެންމެންގެ ތެރެއިން ވެކްސިން ޖަހާ އުމުރުން 90 ޕަސަންޓު މީހުންނަށް އޯގަސްޓް މަސް ނިމުމުގެ ކުރިން ވެކްސިން ޖެހުން ކަމަށެވެ.
"އަދި މި ޕްރޮގްރާމުގެ ތެރެއިން ރާއްޖޭގެ އެންމެންނަށް ވެކްސިން ޖަހައި ނިންމުން," ރައީސް ސޯލިހު ވިދާޅުވިއެވެ.
"މިއީ ދުނިޔޭގެ މަދު ގައުމަކަށް ނޫނީ މިވަގުތު ލިބިފައި ނެތް, ވަރަށް މަތިވެރި ނަސީބެއް."
ރައީސް ވިދާޅުވީ މިހާރު ރާއްޖޭގައި ވެކްސިން ނުޖަހާ ތިބި އެންމެންނަށް ދެ ޑޯޒު ފުރިހަމަކުރެވޭ މިންވަރަށް ރާއްޖެއަށް ވެކްސިން ގެނެވިދައިވާ ކަމަށެވެ. އަދި މި ފުރުސަތުގެ ބޭނުން ހިފައި, ވެކްސިންގެ ދެ ޑޯޒު ފުރިހަމަކުރުމަށް އެމަނިކުފާނު އިލްތިމާސްކުރެއްވިއެވެ.