މާލޭ، ހެންވޭރު ގެއެއްގައި ގޭސްފުޅިއެއް ގޮވައި، މީހަކަށް އަނިޔާވެއްޖެ އެވެ.
އެ ހާދިސާ ހިނގާފައި ވަނީ ބޮޑުތަކުރުފާނު މަގުގައި ހުންނަ ސްޓޭޓް ބޭންކް އޮފް އިންޑިއާ (އެސްބީއައި) ކައިރީގައި ހުރި ގެއެއްގައެވެ.
ފުލުހުން މިރޭ ބުނީ، އެ ހާދިސާގައި އަނިޔާވި މީހާއަށް މިހާރު އޭޑީކޭ ހޮސްޕިޓަލުގައި ފަރުވާދެމުން އަންނަ ކަމަށެވެ. އެ ސަރަހައްދުގައި ފުލުހުން މިހާރު ދަނީ ހަރަކާތްތެރިވަމުންނެވެ.
އެކަމާ ގުޅޭ އިތުރު ތަފްސީލެއް އަދި ނުލިބެ އެވެ.
އެސްބީއައި ކައިރީ ހުރި ގެެއެއްގައި ގޭސް ފުޅިއެއް ގޮވި އިރު، މިދިޔަ އޮގަސްޓް މަސް ތެރޭ އެ ސަރަހައްދުގައި ހުރި ކެފޭއެއްގައި ރޯވެ، އެ އިމާރާތް ބޭނުން ނުކުރެވޭ ވަރަށް އެނދި އެވެ.