ކ. ކުރައިދޫގައި ޖަމާވެފައި ހުރި ކުނި ނަގައި ސާފު ކުރުމަށް ވޭސްޓް މެނޭޖުމެންޓް ކޯޕަރޭޝަން (ވެމްކޯ) އިން ކުރިއަށްގެންދިޔަ މަސައްކަތް ނިންމާލައިފި އެވެ.
ވެމްކޯ އިން ބުނީ ގުރައިދޫގައި ކުރިޔަށް ގެންދިޔަ ގިނަދުވަސްވެފައިވާ ކުނި ސާފުކުރުމުގެ ޕްރޮޖެކްޓް ފަސް ދުވަސް ތެރޭ ނިންމާލިއިރު އެރަށުން 1200 ޓަނުގެ ކުނި ނަގާފައިވާ ކަމަށެވެ.
އަދި އެރަށުގެ ކުނިކޮށި ސަރަހައްދު އެއްކޮށް ސާފުކޮށްފައިވާ ކަމަށް ވެމްކޯ އިން ބުންޏެވެ.
ރާއްޖޭގެ ރަށްރަށުގައި ޖަމާވެފައި ހުރި ކުނި ނަގާ ނައްތާލުމަށް ވެމްކޯ އިން ކުރާ މަސައްކަތުގެ ދަށުން އެ ކުންފުނިން ވަނީ ތުލުސްދޫގައި ޖަމާވެފައިވާ ކުނިތައް ނަގައި ސާފުކުރުމުގެ މަސައްކަތް މިއަދު ފަށައިފައެވެ. މި މަސައްކަތް ނިންމާލެވޭއިރު އެރށުނުް 1000 ޓަނުގެ ކުނި ނެގޭނެ ކަމަށް ވެމްކޯ އިން ލަފާކުރެ އެވެ.
ކުރިއަށް އޮތް ތަނުގައި އެކި ޒޯންތަކަށް ބަހާލައިގެން، ކުނި ޖަމާވެފައި ހުރި އެހެން ރަށްރަށުގައިވެސް މި މަޝްރޫއު ކުރިއަށްގެންދަން ރާވަމުންދާ ކަމަށް ވެމްކޯ އިން ވަނީ ބުނެފަ އެވެ.