ބޮލީވުޑްގެ ބަތަލާ ޖެކަލީން ފާނަންޑޭޒް އޭނާގެ ފުރަތަމަ ހޮލީވުޑްގެ ޕްރޮޖެކްޓް ފަށަން ތައްޔާރުވެއްޖެ އެވެ.
"ވުމަންސް ސްޓޯރީސް" ގެ ނަމުން ނަންދީފައިވާ މި ޕްރޮޖެކްޓަކީ ހަ އަންހެނުންގެ ދިރިއުޅުމުގެ ވާހަކަ ގެނެސްދޭ ޕްރޮޖެކްޓެކެވެ. ވުމަންސް ސްޓޯރީސްގެ އެންމެ ހާއްސަ ކަމަކީ މި ޕްރޮޖެކްޓަކީ ހުސްވެސް އަންހެނުން އުޅޭ ޕްރޮޖެކްޓަކަށްވުމެވެ. ޑައިރެކްޝަނުން ފަށައިގެން އެކްޓުކުރުމާ ހަމައަށް ވެސް މި ފިލްމުގައި ހަރަކާތްތެރިވާނީ އަންހެނުންނެވެ.
ޖެކަލީންގެ އިތުރުން މީގައި ހަރަކާތްތެރިވާނެ ތަރިންނަކީ ކާރާ ޑެލެވިންނޭ، އީވާ ލޮންގޯރިއާ، މާގަރީޓާ ބައި، މާސިއާ ގޭ ހާޑެން އަދި ލެނޯ ވާރެލާ އެވެ. ވުމެންސް ސްޓޯރީސް ޝޫޓްކުރަން ހަމަޖެހިފައިވަނީ އިންޑިއާ، ޔުނައިޓެޑް ސްޓޭޓްސް (ޔޫއެސް) އަދި އިޓަލީގަ އެވެ.