ޕްޒިޓިވްވި ބިލަބޮންގް ހައި އިންޓަނޭޝަލް ސްކޫލުގެ ދަރިވަރުން ސްކޫލަށް ހާޒިރު ނުވާ ކަމަށް އެޗްޕީއޭ އިން ބުނެފި އެވެ.
އެޗްޕީއޭ އިން މިއަދު ބުނީ އެ ސްކޫލުގެ ހަތަރު ދަރިވަރުން ކޮވިޑް19އަށް ޕޮޒިޓިވްވެފައިވާ ކަމަށެވެ.
އެޗްޕީއޭއިން ބުނިގޮތުގައި އެދަރިވަރުން ސްކޫލަށް ހާޒިރުވެފައި ނުވާތިވެ، އެ ސްކޫލުގެ އެއްވެސް މުވައްޒަފަކު އަދި ދަރިވަރަކުވެސް އެ ކޭސްތަކާ ގުޅިގެން ކަރަންޓީންކޮށްފައި ނުވާ ކަމަށެވެ.
ބިލަބޮންގުގެ ހަތަރު ދަރިވަރަކު ޕޮޒިޓިވްވި އިރު، އަމީނިއްޔާ ސްކޫލުގެ ބިދޭސީ ޓީޗަރެއް މިދިޔަ ބުދަ ދުވަހު ކޮވިޑަށް ޕޮޒިޓިވްވެގެން އެ ސްކޫލުގެ ބައެއް ޓީޗަރުން ވަނީ ކަރަންޓިންކޮށްފަ އެވެ.
އިއްޔެއާ ހަމައަށް ރާއްޖެއިން ކޮވިޑަށް 14،300އަށްވުރެ ގިނަ ކޭސް ވަނީ ފެނިފަ އެވެ. އޭގެ ތެރެއިން 13،474 މީޙުން ވަނީ ބަލިން ފަސޭހަވެފައެވެ. މިހާރު ފަރުވާ ދެމުންދާ މީހުންގެ އަދަދަކީ، 845 އެވެ. އޭގެ ތެެރެއިން 61 މީހަކަށް ފަރުވާ ދެމުން އަންނަނީ އެޑްމިޓްކޮށްގެންނެވެ.