އުރުދުންގެ ވެރިރަށް އައްމާނުގައި ހުންނަ ރެސްޓޯރެންޓަކުން ޝަވަރުމާ ކައިގެން އެކަކު މަރުވެ 800 އަށްވުރެ މީހުންނަށް ހޮސްޕިޓަލްގައި ފަރުވާ ދެން ފަށައިފި އެވެ.
އެ ރެސްޓޯރެންޓުން ޝަވަރުވާ ވިއްކަމުން ދިޔައީ އެހެން ތަންތަނުން ވިއްކާ އަގަށްވުރެ ދެގުނަ އަގުހެޔޮކޮށެެވެ. އެހެންކަމުން ގިނަ ބަޔަކު އެ ރެސްޓޯރެންޓުން ޝަވަރުމާ ދިޔައީ ގަންނަމުންނެވެ.
އުުރުދުންގެ ސިއްހީ އޮފިޝަލުން ވިދާޅުވީ އެ ރެސްޓޯރެންޓުން ވިއްކާ ޝަވަރުމާގައި ހުންނަ މަސްތަކަކީ ފިނިވެސް ނުކުރާ މަސްތަކެއް ކަމަށެވެ. އަދި އެ މަސްތަކުގައި ޖަރާސީމު ހުރިކަން ލެބޯޓަރީ ޓެސްޓުތަކުން ދެނެގަނެވިފައިވާ ކަމަށްވެސް ބުނެފައިވެއެވެ.
އެ މައްސަލައިގައި ތިން މީހަކީ ރެސްޓޯރެންޓްގެ ވެރިޔާ ވަނީ ހައްޔަރުކޮށްފައެވެ.
އެ ހާދިސާގައު މަރުވެފައިވަނީ އުމުރުން ފަސް އަހަރުގެ ފިރިހެން ކުއްކެވެ. އޭނާއަށް ފަރުވާ ދިން ހޮސްޕިޓަލްއިން ބުނީ އެ ކުއްޖާގެ ހިތް ފެއިލްވެ އެމީހުންނަށް ކުއްޖާގެ ފުރާނަ ސަލާމަތް ނުކުރެވުނު ކަމަށެވެ.
ޖޯޑަންގެ ހެލްތު މިނިސްޓަރު ސާދު ޖަބީރު ވިދާޅުވީ އެ ހާދިސާ ހިނގިގޮތް މިހާރު ބަަލަމުންދާ ކަމަށާއި އަދި އެކަމުގައި މޫނެއް ކަނދުރާއަށް ބެލުމެއް ނެތި ކޮންމެ މީހަކަށްވެސް އަޅަން ޖެހުނު ކޮންމެ ފިޔަވަޅެއް އަޅާނެ ކަމަށެެވެ.--ބީބީސީ--