ސައިރިކްސް ކޮލެޖުން ސްޕީޖް ޑިލޭއާ ގުޅޭ މައުލޫމާތު ދިނުމަށް ހާއްސަ ވެބިނާއެއް ބާއްވަން ނިންމައިފި އެވެ.
މާދަމާރޭ 20:30 ގައި ސައިރިކްސް ކޮލެޖުގެ ފޭސްބުކް ޕޭޖުން ލައިވްކުރާ މި ސެޝަންތަކުގެ ފުރަތަމަ އެޕިސޯޑު ހާއްސަ ކޮށްފައިވަނީ އުމުރުން 9-0 މަހުގެ ކުދިންނަށް ދިމާވާ ލޭންގުއޭޖު އަދި ސްޕީޖް ޑިލޭ އާއި ގުޅޭ ގޮތުންނެވެ.
މި ސެޝަންތައް ނަންގަވައިދެއްވާނީ ސްޕީޗް ލެންގުއޭޖު ޕެތެލޮޖިސްތު އެންޑް ތެރަޕިސްޓް ޑރ. ފަރުޒާނާ ޝައުގީ އެވެ.
ފަސް އެޕިސޮޑަކަށް ބަހާލައިގެން "ދައިލޮހް ވިތް ޑރ. ފަރުޒާނާ" ގެ ނަމުގައި ކުރިއަށްގެންދާ މި ސެޝަންތަކުގެ ދެވަނަ ސެޝަން ހާއްސަ ކުރާނީ ނުވަ މަހާއި 18 މަހާއި ދެމެދުގެ ކުދިންނަށް ދިމާވާ ސްޕީޗު ޑިލޭގެ މައްސަލަތަކަށެވެ.
ތިންވަނަ ސެޝަން ހާއްސަ ކުރާނީ ދޮޅު އަހަރާ ތިން އަހަރާ ދެމެދުގެ ކުދިންނަށެވެ. ހަތަރު ވަނަ ސެޝަން ތިން އަހަރާ ފަސް އަހަރާ ދެމެދުގެ ކުދިންނަށް ހާއްސަ ކުރާއިރު ފަސްވަނަ އެޕިސޯޑު ހާއްސަ ވާނީ ހަ އަހަރުން މަތީގެ ކުދިންނަށް ދިމާވާ ސްޕީޗު ޑިލޭގެ މައްސަލަ ތަކަށެވެ.
ލައިވްކޮށް ކުރިއަށްގެންދާ މި ސެޝަންތަކުގައި ޑރ. ފަރުޒާނާއާއެކު ސްޕެޝަލް އެޑިއުކޭޓަރު މަރިޔަމް ޝަތްރަތު ޝާކިރުވެސް ބައިވެރިވެ ވަޑައިގަންނަވާނެ އެވެ.