މާވެޔޮ މަގު ސަރަހައްދުން ކަރަންޓު ކެނޑެން ދިމާވި މައްސަލަ ހައްލުކޮށް އަލުން ކަރަންޓު ދީފިއެވެ.
ދިމާވި ޓެކްނިކަލް މައްސަލައެއްގެ ސަބަބުން މާވެޔޮމަގު ސަރަހައްދުން ކަރަންޓު ކެނޑުނީ މިރޭ 9:30 އެހައިކަންހާއިރު އެވެ.
ސްޓެލްކޯ އިން ބުނީ ކަރަންޓު ކެނޑެން ދިމާވި މައްސަލަ ހައްލުކޮށް މިރޭ 21:48 ގައި ވަނީ ކަރަންޓު ދެވިފައިވާ ކަމަށެވެ.
މާވެޔޮމަގު ސަރަހައްދުން ކަރަންޓު ކެނޑުނުއިރު، މިހާރު ކުރަމުންދާ ވިއްސާރާގައި މާލޭގެ އެކި ސަރަހައްދުތަކުގައި ވަނީ ފެންބޮޑުވެފައެވެ.