ގދ. ރަތަފަންދޫ ފުޓްބޯޅަ ދަނޑުގައި ބަޔަކު ރޯކޮށްލުމާ ގުޅިގެން، އަލިފާން ނިއްވުމާއި މައްސަލަ ތަހުގީގު ކުރުމުގައި ފުލުހުން ހަރަކާތްތެރިވާން ފަށައިފި އެވެ.
ފުލުހުންގެ މީޑިއާއިން މިރޭ ހާމަކުރި ގޮތުގައި، ރަތަފަންދޫ ބޯޅަ ދަނޑުގައި ބަޔަކު ގަސްތުގައި ރޯކޮށްލާފައިވާ ކަމުގެ ރިޕޯޓް ލިބިފައި ވަނީ، މިރޭ 7:35 އެހާއިރު ކަމަށެވެ. ފުލުހުން ބުނީ އެމީހުން ރޯކޮށްލާފައި ވަނީ ބޯޅަ ދަނޑުގައި ހައްދާފައި ހުރި ގުދުރަތީ ވިނަތަކުގަ އާއި، ކައިރީގައި ހުރި ގަސްތަކެއްގައި ކަމަށެވެ.
ރޯކޮށްލުމުގެ ސަބަބުން، ވިނަތައް އެނދުން ފިޔަވާ ދަނޑުގައި ހުރި އިތުރު އެއްޗަކަށް ގެއްލުމެއް ނުލިބޭ ކަމަށް ވެސް ފުލުހުން ބުންޏެވެ. އަދި އެ ރަށުގެ ރައްޔިތުންނާއި ފުލުހުން ކުރި މަސައްކަތުން ދަނޑުގައި ރޯކޮށްލި އަލިފާން ނިއްވާލުމުން، އަނެއްކާ ވެސް ބަޔަކު ދަނޑުގައި ރޯކޮށްލި ކަމަށް ފުލުހުން ބުންޏެވެ. އެ އަލިފާން އަދި މުޅިން ނިއްވައެއް ނުލެވޭ ކަމަށް ވެސް ފުލުހުން ބުންޏެވެ.
"މި މައްސަލަ މިހާރު ދަނީ ތަހުގީގުކުރަމުން،" ފުލުސް މީޑިއާއިން ބުންޏެވެ.