ބޮޑެތި ޑިސްކައުންޓުތަކަކާ އެކު އަހަރު ނިންމުމަށް ހާއްސަ ކޮށްގެން އެސްޓާސް އިން ކުރިއަށްގެންދާ "އިޔާ އެންޑް ސޭލް 2019" ފަށައިފި އެވެ.
އެސްޓާސް އިން ބުނީ ސެޕްޓެމްބަރު 26 ވަނަ ދުވަހުން ފެށިގެން ކުރިއަށްދާ ސޭލަކީ ރާއްޖޭގައި ކުރިއަށް ގެންދާ އެންމެ ބޮޑު އިޔާ އެންޑް ސޭލް ކަމަށެވެ.
މި ސޭލުގައި އެސްޓާސް ބެޑްރޫމް ސެޓާއި، ޓީވީ އާއި އެއާކޮންޑިޝަރު ފަދަ ސާމާނު ވަނީ ވަރަށް ބޮޑުތަން އަގުހެޔޮ ކޮށްފަ އެވެ.
އަދި ސޭލުގެ ދަށުން ބަންޑްލް ޕެކޭޖްތަކެއް ވެސް ވަނީ ތައާރަފުކޮށްފަ އެވެ. "ކިޗަން ބަންޑްލް"ގައި ހިމެނެނީ މައިކްރޯވޭވް އަވަނާއި ޓޯސްޓަރާއި ބްލެންޑާ، ރައިސް ކުކަރު، ކަރަންޓު ސައިކުރާ އަދި އިސްތިރި ފަދަ ސާމާނުތަކެވެ.
"ބާތުރޫމް އެންޑް ހައުސްހޯލްޑް ބަންޑްލް"ގައި ހިމެނެނީ ވެކިއުމް ކްލީނަރު، ޓަވާ ފޭން، އެލްއީޑީ ލައިޓް ފަދަ ސާމާނުތަކެވެ.