ރާއްޖޭގެ ލީޑިން ކޮލެޖެއް ކަމަށްވާ ސައިިރިކްސް ކޮލެޖުން ސައިކޮލެޖީ ދާއިރާއިން ޑިގްރީ ޕްރޮގްރާމެއް ތައާރަފްކޮށް އެ ޕްރޮގްރާމްގައި ބައިވެރިވުމަށް ހުޅުވާލައިފި އެވެ.
ސައިރިކްސް ކޮލެޖުގެ ރެކްޓާ ޑރ. އަލީ ފަވާޒް ޝަރީފް "ސަން" އަށް މިއަދު ވިދާޅުވީ އެ ޕްރޮގްރާމަކީ ރާއްޖޭގެ ކޮލިފިކޭޝަން އޮތޯރިޓީ (އެމްކިއުއޭ) އަދި އެލައިޑް ހެލްތު ކައުންސިލްއިން އެޕްރޫވްކޮށް ހިންގާ ޕްރޮގްރާމްއެއް ކަމަށެވެ.
އެ ޕްރޮގްރާމް އަންނަ މަހު ފެށުމަށް މިހާރު ބަލަމުންދާ ކަމަށްވެސް ޑރ. ފަވާޒް ވިދާޅުވިއެވެ.
ސައިކޮލެޖީ ކޯސް އިފްތިތާހްކުރުމަށް ބޭއްވި ރަސްމިއްޔާތުގެ ތެރެއިން--- ފޮޓޯ:،
" އެ ކޯހުގެ ދަށުން ސައިކޮލޮޖީ ދާއިރާއާ ކައުންސިލްފަދަ ދާއިރާތަކުން މީހުން ތަމްރީންވެސް ކުރާނެ." ޑރ. ފަވާޒް ވިދާޅުވިއެވެ.
އެ ކޯހަށް ކުރިމަތިލުމުގެ ޝަރުތުތަކުގެ ތެރޭގައި އޭ ލެވަލް ދެ މާއްދާއިން ފާސްވުން ނުވަތަ އޯ ލެވެލް ނިންމައި ސެޓްފިކެޓް 4 ސައިކޮލަޖީއާ ގުޅޭ ދާއިރާއިން ހާސިލްކޮށްފައިވުން ހިމެނެއެވެ. ނޫނީ ސައިކޮލެޖީ ދާއިރާއިން މަސައްކަތުގެ ތަޖުރިބާ ލިބިފައި ހުރި މިންވަރަށް ބަލައިވެސް ކޯހުން ޖާގަ ދެވިދާނެ ކަމަށް ޑރ، ފަވާޒް ވިދާޅުވިއެވެ.
ޑރ. ފަވާޒް އިތުރަށް ވިދާޅުވީ ސައިކޮލަޖީގެ މާސްޓާސް ޕްރޮގްރާމެއްވެސް މިހާރު ފަރުމާކުރަމުންދާ ކަމަށެވެ.