ވަގަށް ނަގާފައިވާ ގިނަ އަދަދެއްގެ އިލެކްޓްރޯނިކް ސާމާނުތަކެއް ހޯދައި، އެ މައްސަލައިގައި ތުހުމަތު ކުރެވޭ މީހަކު ހައްޔަރުކޮށްފިއެވެ.
ފުލުހުންގެ މިރޭ ބުނީ، ގއ. ކޮލަމާފުށިން ވަގަށް ނަގަފައިވަނިކޮށް ހޯދާފައިވަނީ 13 ފޯނާއި ފަސް ޓެބްލެޓް ކަމަށެވެ. މި މައްސަލައާ ގުޅިގެން 34 އަހަރުގެ ފިރިހެނަކު މިއަދު ފުލުހުން ވަނީ ހައްޔަރުކޮށްފައެވެ.
ވަގަށް ނެގި ބައެއް ތަކެތި ހޯދާފައިވަނީ ފުލުހުނަނަށް މައްސަލަ ހުުށަހެޅިތާ ބައިގަޑިއިރު ތެރޭގައި ކަމަަށް އެ އިދާރާއިން ބުނެއެވެ. ނަމަވެސް އެތަކެތި ހޯދީ ކޮންތާކުން ކަމެއް ފުލުހުން ހާމަ އެއް ނުކުރެއެވެ.
މި މަސައްލަ ތަހުގީގު އަދިވެސް ކުރިއަށްދާކަމަށް އެ އިދާރާ އިން ބުންޏެވެ.
މިއަހަރު މިހާތަނަށް ވައްކަމުގެ 2،387 މައްސަލައެއް ފުލުހުންގެ އިދާރާއަށް ވަނީ ހުށަހަޅާފައެވެ. އޭގެ ތެރެއިން މިމަހު މިހާތަނަށް ހުށަހެޅި 293 މައްސަލައެއް ހިމެނެއެވެ.