ފިއުލް ސަޕްލައި މޯލްޑިވްސް (އެފްއެސްއެމް) އިން މާލޭ އިންޑަސްޓްރިއަލް ވިލެޖުގައި ހަދާފައިވާ ވަގުތީ ޝެޑްގެ ޖާގަ އިތުރުކޮށް ހިދުމަތް ފަށައިފި އެވެ.
އެ ސަރަހައްދުގައި ވަގުތީގޮތުން ހުޅުވި ޝެޑެއް ހުޅުވާ ހިދުމަތް ފެށީ މިދިޔަ އަހަރުގެ ތެރޭގަ އެވެ. އޭރު ހިދުމަތް ފެށީ ޓެންޓް ޖަހައި، ޕެޓްރޯލް ޕަމްޕްތަކެއް އެ ސަރަހައްދުގައި ބަހައްޓައިގެން އެވެ.
ވަގުތީ ޝެޑް ފުޅާކޮޑް މި ޕެޓްރޯލު ޝެޑުން ހުކުރު ދުވަސް ފިޔަވާ ކޮންމެ ދުވަހެއްގެ ހެނދުނު 8:00 އިން ރޭގަނޑު 11:00 އަށް ހިދުމަތްދޭނެ އެވެ. ހުކުރު ދުވަހު ހިދުމަތްދޭނީ މެންދުރުފަހު 2:00 އިން ރޭގަނޑު 11:00 އަށެވެ. މީގެ އިތުރުން ކޮންމެ ނަމާދުގަޑިއެއްގައި 20 މިނެޓަށް ޕެޓްރޯލް ޝެޑް ބަންދުކުރާނެ ކަމަށް އެފްއެސްއެމްއިން ބުންޏެވެ.
އެ ކުންފުނިން ބުނި ގޮތުގައި، މިއަދު ހުޅުވައި ހިދުމަތް ފެށި، ޝެޑަކީ ރަނގަޅު ފެންވަރަކަށް ހަދާފައިވާ ޕެޓްރޯލް ޝެޑެކެވެ.
އެފްއެސްއެމްއިން ޓްރެކް ސަރަހައްދާއި ކާނިވާ ސަރަހައްދު އަދި އައިޖީއެމްއެޗު ކައިރީވެސް ޕެޓްރޯލްޝެޑެއް ހިންގަ އެވެ. ޕެޓްރޯލް ލީޓަރެއްގެ އަގަކީ 10.79 ރުފިޔާ އެވެ.