ބުލީ ކުރުމާ ދެކޮޅަށް ހޭލުންތެރިކުރުމުގެ ގޮތުން އެޑިއުކޭޝަން މިނިސްޓްރީން ހަމަޖެއްސި އެންޓި ބުލީ އެމްބެސެޑަރު އާލިފް ނަސީރު (އާލް ނަސީރު)، "ބުލީ" ކުރި ކަމަށް ބުނާ މައްސަލައެއް ފެންމަތިވެ އެ މައްސަލަ ވަރަށް ބޮޑަށް ހޫނުވެއްޖެ އެވެ.
އާލްއާ ދެކޮޅަށް ޓުވިޓާގައި ބައެއް އަންހެންކުދިން ބުނީ އޭނާ އެކުދިންނަށް ބްލެކްމެއިލްކޮށް ފުރައްސާރަކޮށްފައިވާ ކަމަށެވެ.
އެ މައްސަލަ ހޫނުވެ، އެކަން އެޑިއުކޭޝަން މިނިސްޓަރު ޑރ. އައިޝަތު އަލީގެ ސަމާލު ކަމަށް އައުމުން، މިނިސްޓަރު ވެސް ވަނީ އާލްއާ ދެކޮޅަށް ވާހަކަ ދައްކަވައިފަ އެވެ.
މިނިސްޓަރު ވިދާޅުވީ އާލް އެންޓި ބުލީ އެމްބެސެޑަރަކަށް ހަމަޖެއްސީ އޭނާގެ " ބެކްގްރައުންޑް" ރަނގަޅަށް ބެލުމަށް ފަހު އެޑިއުކޭޝަންގެ ސްޓާފުންގެ ވެސް ތާއީދާ އެކު ކަމަށެވެ.
Hi,
— Aishath Ali (@aisthly) March 12, 2019
The person in question was made an anti-bullying ambassador on the recommendation of a trusted staff three months after my appointment. A background check carried out by the relevant staff found no cause for concern.
އެ މައްސަލަ އެންމެ ފުރަތަމަ ފެންމަތިވީ މިދިޔަ މަހު އެވެ. އަދި އާލް ވަނީ ޓުވިޓާގައި މާފަށް އެދި ޕޯސްޓެއް ވެސް ކޮށްފަ އެވެ. އެ ޕޯސްޓަށް މިނިސްޓަރު ވެސް ވަނީ ލައިކްއެއް ދެއްވައިފަ އެވެ. ނަމަވެސް އާލްއަށް ކުރެވިފައިވާ ތުހުމަތުތަކުގެ ސީރިއަސްކަމުން މިހާރު އެ ޕޯސްޓަށް "އަންލައިކް ވެސް" ކޮށްފައިވާ ކަމަށް މިނސްޓަރު ވިދާޅުވި އެވެ.
MOE has always had zero tolerance for sexual harassment and this policy will be upheld at all times. A pristine reputation untarnished by lewd allegations and accusations is essential for the ambassador’s position and profile. I will do what is necessary.
— Aishath Ali (@aisthly) March 12, 2019
މިނިސްޓަރު ވިދާޅުވީ ޖިންސީ ފުރައްސާރައިގެ މައްސަލަތަކުގައި މިނިސްޓަރީން އެއްވެސް ގަލެއް ނުފުރޮޅައި ނުބާއްވާނެ ކަމަށެވެ. އަދި އެ މައްސަލާގައި އެޅެން ހުރި ހުރިހާ ފިޔަވަޅެއް އަޅާނެ ކަމަށް ވެސް މިނިސްޓަރު ވިދާޅުވި އެވެ.
THREAD 1/4
— Aalif Naseer (@aal_naseer) February 16, 2019
I’ve been spending all my time on this for the last 3 days. Often contemplated whether or not I should stop making videos or being a public figure at all. But it dawned on me that even other people make mistakes. I’ve made mistakes. But I am learning from them, even-
ނަމަވެސް އެ މައްސަަލާގައި މިނިސްޓްރީން އެޅީ ކޮން ފިޔަވަޅެއްކަމެއް އަދި ބުނެފައެއް ނުވެ އެވެ. އެކަމާ ގުޅޭ ގޮތުން މިނިސްޓަރަށް ތަކުރާރުކޮށް ގުޅައި މެސެޖުކުރުމުން ވެސް މިނިސްޓަރު މިހާތަނަށް އެއްވެސް ޖަވާބެއް ދީފައެއް ނުވެ އެވެ.
Hello Zueshan. Aal was featured on our calendar video in 2018. Since this has come to light, the video has been removed and we haven't worked with him on any other projects.
— Dhiraagu (@Dhiraagu) March 14, 2019
(1/2)
އާލްގެ މައްސަލަ ފެންމަތިވުމުން ދިރާގާއި، ލޮޓަށް އަދި ބައިސްކޯފުން މިހާރު ވަނީ އޭނާއާ އެކު މަސައްކަތް ކުރުން ހުއްޓާލައިފަ އެވެ.
އާލްއަކީ ޔޫޓިއުބްގައި ވަރަށް ގިނަ އިން ވްލޮގްކޮށް ތަފާތު ވީޑިއޯތައް ގެނެސްދޭ ތަރިއެކެވެ. އަދި އޭނާ ވަނީ ދިރާގާއި އަދި އުރީދޫގެ އިސްތިހާރުތަކުން ފެނިގެން ގޮސްފަ އެވެ.