ސިނަމާލީ ބްރިޖު މަތިން މިއަދު ކަނޑަށް ފުންމާލި މީހަކު ފުލުހުން ސަލާމަތްކޮށްފިއެވެ.
ފުލުހުންގެ މީޑިއާ އޮފިޝަލު ވިދާޅުވީ، މިއަދު ބްރިޖު މަތިން ފުންމާލި މީހަކު ސަލާމަތްކޮށްފައިވާ ކަމަށެވެ. ނަމަވެސް، އިތުރު އެއްވެސް ތަފްސީލެއް ނުދެއްވަ އެވެ.
އެނގިފައިވާ ގޮތުގައި އެ މީހާ ފުންމާލީ ބްރިޖުގެ މެދާ ހިސާބުންނެވެ. އޭނާ ފުންމާލުމުން، ސަލާމަތް ކުރީ ފުލުހުން ލޯންޗަކުން ގޮހެވެ.
ބްރިޖު މަތިން ފުންމާލި މީހާ ސަލާމަތްކޮށްފައިވާ އިރު އޭނާއަށް ފުރާނައަށް ނުރައްކާވާ ވަރުގެ ބޮޑު އަނިޔާއެއް ލިބިފައެއް ނުވެ އެވެ.
ބްރިޖު ހުޅުވިފަހުން މީހަކު ބްރިޖު މަތިން ފުންމާލި ފުރަތަމަ ފަހަރެވެ.