ބޭންކް އޮފް ސިލޯންގެ (ބީއޯސީ)ގެ ބްރާންޗެއް ހުޅުމާލޭގައި ހުޅުވައިފިއެވެ.
ބީއޯސީގެ ބްރާންޗު ހުޅުއްވައިދެއްވީ އެމްއެމްއޭގެ ގަވަރުނަރު އަލީ ނަސީރެވެ.
އަމީން އެވެނިއުގެ ކޮމާޝަލް ބްރާންޗުގައި ގާއިމްކޮށްފައިވާ މި ބްރާންޗުން ބީއޯސީ މާލޭ ބްރާންޗުން ލިބޭ ހުރިހާ ހިދުމަތެއްވެސް ލިބޭނެއެވެ.
ހުޅުމާލޭގައި ބީއޯސީގެ ބްރާންޗެއް ހުޅުވިގެންދިއުމާއެކު ހުޅުމާލޭގައި ދިރިއުޅޭ ބޭންކް އޮފް ސިލޯންގެ ކަސްޓަމަރުންނަށް ބޮޑު ފަސޭހައެއް ލިބިގެންދާނެއެވެ.
ގިނަ އަދަދެއްގެ ދިވެހިންނާއި ރާއްޖޭގައި މަސައްކަތްކުރާ ބިދޭސިން ބޭންކް އޮފް ސިލޯނުގެ ހިދުމަތް ހޯދާއިރު ހުޅުމާލޭގައި ހުޅުވުނު ބްރާންޗާއެކު ހުޅުމާލޭގެ ތަރައްގީ ގައިވެސް ބޭންކުގެ ހިއްސާ ހިމެނޭނެ ކަމަށް ހުޅުމާލޭގެ ކަންތައް މެނޭޖުކުރާ އެޗްޑީސީ އިން ވަނީ ބުނެފައެވެ.
ބޭންކް އޮފް ސިލޯންގެ ގޮތްޕެއް ހުޅުމާލޭގައި ހުޅުވުމަށް އެޗްޑީސީ އާއެކު އެއްބަސްވެފައިވަނީ މިދިޔަ އަހަރުގެ މެއި މަހުއެވެ. ބީއޯސީ އިން ރާއްޖޭގައި ބޭންކިންގެ ހިދުމަތް ފެށީ 1981 ވަނަ އަހަރު އެވެ.
ހުޅުމާލޭގައި މިހާރުވެސް ކޮމާޝަލް ބޭންކާއި މޮރިޝަސް ބޭންކް، ސްޓޭޓް ބޭންކް އޮފް އިންޑިއާ، ބީއެމްއެލް، އެމްއައިބީ އަދި ހަބީބް ބޭންކުގެ ބްރާންޗުތައް ހުރެއެވެ.