ކުރީގެ ރައީސް އަބްދުﷲ ޔާމީން އަބްދުލްގައްޔޫމު ރައީސްކަމުގައި ހުންނަވައިގެން ގާނޫނާ ހިލާފަށް މާލީ މުއާމަލާތްތަކެއް ހިންގާފައިވާކަމަށް ތުހުމަތުކުރެވޭ މައްސަލަތަކެއް ބަލަމުންދާކަމަށް ފުލުހުން ބުނެފިއެވެ.
ފުލުހުން މިރޭ ނެރުނު ނޫސްބަޔާނެއްގައި ބުނީ އެ މައްސަލަތައް ފުލުހަށް ހުށަހެޅީ ދައުލަތުގެ އިދާރާތަކުން ކަމަށެވެ. މި މައްސަލަތަކާ ގުޅިގެން އަޅަންޖެހޭ ފިޔަވަޅުތައް އަޅަމުންދާކަމަށްވެސް ފުލުހުން ބުންޏެވެ.
ފުލުހުން މިފަދަ ނޫސްބަޔާނެއް ނެރެފައިވާއިރު އަންނަ ހޮނިހިރު ދުވަހު 2:00 އަށް ފުލުހަށް ހާޒިރުވުމަށް ރައީސް ޔާމީން އަށް ވަނީ ޗިޓުފޮނުވައިފައެވެ.
އެމަނިކުފާނުގެ ވެރިކަމުގައި ހިނގާފައިވާ ކޮރަޕްޝަނާ ހިޔާނާތުގެ ބޮޑެތި މައްސަލަތަކުގެ ތުހުމަތު ޔާމީނަށް ކުރެވެއެވެ.
Press Statement: PMC/2018/30 pic.twitter.com/gnRSiIthLk
— Maldives Police (@PoliceMv) December 13, 2018
އެގޮތުން އެމްއެމްޕީއާރުސީގެ ހިޔާނާތުގައި ރައީސް ޔާމީންގެ ބައިވެރިވުން އެބައޮތް ކަމަށް އެމްޑީޕީ އިން ތުހުމަތު ކުރެއެވެ.
މީގެ އިތުރުން ރައީސް ޔާމީނުގެ މައްޗަށް ތުހުމަތުކޮށް ބައެއް މައްސަލަތައް އެމްޑީޕީގެ ފަރާތުން ވަނީ ފުލުހަށް ހުށަހަޅައިފައެވެ. ރައީސް ޔާމީންގެ މައްޗަށް ތުހުމަތު ކުރެވޭ މައްސަލަތައް ތަހުގީގުކޮށް އެ މައްސަލަތައް ބެލުން އަވަސްކުރުމަށް އެމްޑީޕީގެ ޗެއާޕާސަން ހަސަން ލަތީފް ވަނީ ގޮވާލައްވައިފައެވެ.
ރައީސް ޔާމީންގެ އެކައުންޓަށް އެއް މިލިއަން ޑޮލަރު ވަތްކަމަށް ބުނާ މައްސަލަ އޭސީސީ އިން ވަނީ ތަހުގީގުވެސް ކޮށްފައެވެ.
އެމަނިކުފާނު ރާއްޖެ ދޫކޮށް ފިއްލަވަން އުޅޭކަމަށް ތުހުމަތު ކުރިނަމަވެސް ރައީސް ޔާމީން ވިދާޅުވީ ރައްޔިތުންނަށް ހިދުމަތް ކުރެއްވުން މަތީ ދެމިހުންނަވާނެ ކަމަށާއި ރާއްޖެ ދޫކޮށް ނުފިއްލަވާނެ ކަމަށެވެ.
comment އަބޫ ޢައްމާރު އިލްޔާސް
6 year 4 month ago
2008ން- 2012ށް ކެނެރީގޭ ނަޝީދުގެ ވެރިކަމުގައި ވެފައިވާ ޚިޔާނާތްކަމަށް އޯޑިޓް ރިޕޯރޓް ތަކުގައިވާ މައްސަލަތައް ނުބަލައި ރ ޔާމީނާ އިބޫ ޖައްސައިލާ، ހޭބޯ ނާރައިގެން އުޅޭ މައްސަލަ ބަލާނެ ދުވަހެއް ކައިރި މުސްތަޤުބަލެއްގައި މާތްﷲ ދިވެހިންނަށް ދައްކަވާށި! ޯ