ކައިވެނިކޮށްގެން އުޅޭކަމަށް ޕޮޕް ލަވަކިޔުންތެރިޔާ ޖަސްޓިން ބީބާ ބުނެފި އެވެ.
ޖަސްޓިން ބީބާ ބުނީ މަޝްހޫރު މޮޑެލް ހެއިލީ ބޯލްޑްވިން ކައިވެނިކޮށްފައިވަނީ ސެޕްޓެމްބަރު މަހުގައި ކަމަށާއި އެންގޭޖްވުމާއެކު ކައިވެނިކުރި ކަމަށެވެ.
ޖަސްޓިން ބީބާ ހެއިލީއާ ކައިވެނިކޮށްގެން އުޅޭކަމަށް މީޑިއާގައި ވާހަކަދެކެވެމުން އައި ނަމަވެސް މީގެ ކުރީން އޭނާ ވަނީ އެ ވާހަކަ ދޮގުކޮށްފަ އެވެ. އެ ދެ މީހުންގެ އިންސްޓަގްރާމް އެކައުންޓްގައި އެ ދެ މ،ީހުން އެކުގައި ނަގާފައިވާ ފޮޓޯތައް ފަހަކަށް އައިސް އަންނަނީ ގިނަ ވަމުންނެވެ.
އިންސްޓަގްރާމްގައި ހެއިލީއާ އެކު ނަގާފައިވާ ފޮޓޯއަކާ އެކު ބީބާ ބުނެފައި ވަނީ "މައި ވައިފް އިޒް އޯސަމް" ކަމަށެވެ.
އުމުރުން 24 އަހަރުގެ ލަވަކިޔުންތެރިޔާ އާއި 21 އަހަރުގެ މޮޑެލް އެންގޭޖްވީ ބަހާމާސްގެ ރިސޯޓެއްގައި މިދިޔަ ޖުލައި މަހުގައެވެ.