އާރަށުގައި ރީތި ތަނެއް ހުރިނަމަ އެއީ ސިފައިންގެ ތަނެއްކަމަށް ރައީސް އޮފީހުގެ ތަރުޖަމާނު އިބްރާހިމް މުއާޒު އަލީ ވިދާޅުވެއްޖެ އެވެ.
މުއާޒު މިހެން ވިދާޅުވެފައި މިވަނީ އާރަށުގައި ރައީސް ޔާމީން ގަނޑުވަރެއް ބިނާކުރައްވާފައިވާ ކަމަށް ބުނެ ސޯޝަލް މިޑިއާގައި ފޮޓޯތަކެެއް ދައުރުވަން ފަށާފައި ވަނިކޮށެވެ.
މުއާޒު މިއަދު ކުރެއްވި ޓްވީޓެއްގައި ވަނީ އާރަށުގައި ރީތި އިމާރާތެއް ހުރި ނަމަ އެއީ ސިފައިންގެ އިމާރާތެއް ކަމަށާއި ދެން ވަޑައިގަންނަވާ ރައީސަކަށް އެތަން ބޭނުންފުޅު ނުކުރެއްވޭނެތޯ މުއާޒު ވަނީ ސުވާލު ކުރައްވައިފަ އެވެ.
"ރައީސް ޔާމީން ވަޑައިގަންނަވާނީ އެ ވިދާޅުވީ ގެކޮޅު ހިފައިގެންނެއް ނޫން. ސިޔާސީ ވާހަކަ ކިޔައިދެއްވާ އިރު މިޔަށްވުރެ ހޭލުންތެރިވާން ނުވޭތޯ؟"
މުއާޒު ވިދާޅުވީ އެއާޕޯޓައި ބުރިޖު އަދި ދަރުމަވަންތަ ހޮސްޕިޓަލަކީ ކޮންމެ މީހަކަށް ވެސް އެތަންތަނުގެ ބޭނުން ކުރެވޭނެ އަދި ހިދުމަތް ހޯދޭނެ ތަންތަން ކަމަށެވެ. ރައީސް ޔާމީން ގައުމަށް ކޮށްދެއްވި ކަންތައްތަކަކީ ހަމައެކަނި އެމަނިކުފާނުގެ ބޭނުމަށްތޯ ވެސް މުއާޒު ވަނީ ސުވާލު ކުރައްވައިފަ އެވެ.
"Mioh bridge / Airport thakun komme beyfulhakah ves dhathurufulhu nukurevvenytho? 25 buri imaaraathun emmenah khidhumaiy nulibeyne tho? Mihurihaa thanthan gaaimu kohdhevvy Raees Yameen ekani beynunfulhu kuravvantho? Aarashugai reethi thaneh huri nama..
— ɪʙʀᴀʜɪᴍ ᴍᴜᴀᴢ ᴀʟɪ (@SpokespersonMV) November 11, 2018
1/2
.. e thaneh vaany sifainge imaaraathakah. Dhen vadaigannavaa Raees akah beynunfulhu nukurevveynee tho? Raees Yameen vakivevadaigannavany e vidhaalhuvaa "gekolhu" hifaigenneh noon! Adhuge zuvaanunnah Siyaasee vaahaka kiyaidhevvaa iru miah vure heyluntherivaan nuveytho?" -im
— ɪʙʀᴀʜɪᴍ ᴍᴜᴀᴢ ᴀʟɪ (@SpokespersonMV) November 11, 2018
2/2
އާރަށުގައި ރައީސް ޔާމީންގެ ބޭނުމަށް "ގަނޑުވަރެއް" އިމާރާތްކުރިކަމަށް ބުނެ ވާހަކަ ދެކެވެން ފެށުމާ ޢެކު ގިނަ ބަޔަކު ވަނީ އެ އެ ވާހަކައަށް ފަޑު ކިޔައިފަ އެވެ. އާރަށަކީ ކޮންމެ ބޭފުޅަކު ވެރިކަމަށް ވަޑައިގެންނެވި ނަމަވެސް ބޭނުންކުރައްވާނެ ރަށެއްކަމަށް ބުނެ ޓްވިޓާގައި ވަނީ ހިޔާލު ފާޅުކޮށްފަ އެވެ.
އާރަށަކީ ވެރިކަމުގައި ހުންނަވާ ރައީސުންނަށް ހާއްސަ ރަށެކެވެ. ކުރީގެ ރައީސް މައުމޫނުގެ ވެރިކަމުން ފެށިގެން އެ ރަށަކީ ރައީސުންގެ މުނިފޫހި ފިލުވައިލުމަށް ހާޢްސަވެފައި އޮތް ރަށެކެވެ. އެ ރަށް ބަލަހައްޓަނީ ސިފައިންނެވެ.