ހާލުގައި ޖެހިފައި އޮތް އެސްޓީއޯގެ "ބޮންތި 2" ކަފުޖަހައިގެން ތިލަފުއްޓަށް ގެނެސްފި އެވެ.
އެ ބޯޓު ތިލަފުއްޓަށް ގެންދިއުމުގައި އެހީތެރިކަން ފޯރުކޮށްދީފައި ވަނީ އޭޑީކޭ ޓްރޭޑްގެ ޓަގު ބޯޓެކެވެ. އޭޑީކޭ ޓްރޭޑުން ބުނީ ބޮންތި 2 ކަފުޖަހައިގެން ގެންގޮސް ތިފަފުއްޓަށް ވައްދާފައިވާ ކަމަށެވެ. ބޯޓުގައި ހުރި މުދަލަށް އަދި ބޯޓަށް ވެސް ގެއްލުމެއް ނުވާ ކަމަށް ބުނެފައިވެ އެވެ.
ބޮންތި 2 ބޯޓު ހާލުގައި ޖެހުނީ އެ ބޯޓު އިންޑިއާއިން އަންނަނިކޮށް، ހދ. ކުޅުދުއްފުއްޓާ 188 މޭލު ބޭރުން، އެ ބޯޓުގެ ބުރަފަތީގައި ވާގަނޑެއް އޮޅި ބޯޓު ހުއްޓުމުން ނެވެ.
ބޮންތި 2 ހާލުގައި ޖެހުނުއިރު އޭގައި 4000 ޓަނުގެ ކާގޯ ހުއްޓެވެ.
އެ ބޯޓަށް އެމްއެންޑީއެފް ކޯސްޓުގާޑުން ވެސް ވަނީ އެހީތެރިކަން ފޯރުކޮށްދީފަ އެވެ.