"ވީރް ޒާރާ" އާއި "ކޮއި މިލް ގަޔާ" ފަދަ ފިލްމުތަކުން ބެލުންތެރިންގެ މެދުގައި ބޮޑު މަގުބޫލުކަމައް ހޯދާފައިވާ ބޮލީވުޑްގެ ތަރި ޕްރިތީ ޒިންތާ އަހަރަރުތަކަށް ފަހު އަނެއްކާވެސް ބޮލީވުޑްގެ ފިލްމެއްގެ މަސައްކަތް ކުރަމުން އެބަ ދެއެވެ.
އުމުރުން 43 އަހަރުގެ ޕްރިތީ ދެން ފެނިގެންދާނީ "ބައްޔާޖީ ސުޕަހިޓް" ކިޔާ ފިލްމަކުންނެވެ. ޕްރިތީ ވަނީ އެ ފިލްމުގެ ބައެއް ޕޯސްތަރުތައް ވެސް އޭނާގެ ސޯޝަލް މީޑިއާގެ އެކައުންޓްތައް މެދުވެރިކޮށް ދައްކާލާފައެވެ.
ނީރާޖް ޕަތަކް ޑައިރެކްޓްކުރާ އެކްޝަން ކޮމެޑީ ފިލްމުން ޕްރިތީއާއެކު ދެން ފެންނާނެ ތަރިންގެ ތެރޭގައި ސަނީ ޑިއޯލް އަމީޝާ ޕަޓޭލް، އަރްޝަދު ވަރްސީ އަދި ޝްރެޔާޝް ތަލްޕަޑޭ ހިމެނެއެވެ.
ޕްރިތީގެ އައު ފިލްމާއެކު ބޮލީވުޑްގެ ގިނަ ތަރިން ވަނީ އޭނާއަށް މަރުހަބާ ވެސް ކިޔާފައެވެ. އެ ފިލްމުގައި ޕްރިތީ ފެނިގެންދާނީ ނުފޫޒުގަދަ އަންހެނެއްގެ ރޯލަކުންނެވެ.
ޕްރިތީ ފުރަތަމަ ބޮލީވުޑަށް ނުކުތީ 1998 ވަނަ އަހަރު "ދިލް ސޭ" ފިލްމުންނެވެ. ޝާހް ރުކް ޚާންއާއެކު ގިނަ ފިލްމުތަކަކުން ފެނިގެން ގޮސްފައިވާ ޕްރިތީގެ އެންމެ ފަހު ފިލްމެއް ރިލީޒް ވެފައި ވަނީ 2013 ވަނަ އަހަރުއެވެ. އެއީ "އިޝްކު"އެވެ.
މުހިންމު ރޯލަކުން ޕްރިތީ ފެނިގެންދާނެ ""ބައްޔާޖީ ސުޕަހިޓް" ރިލީޒްކުރަން ހަމަޖެހިފައިވަނީ އަންނަ އޮކްޓޯބަރަ މަހުގެ 19 ވަނަ ދުވަހުއެވެ.