ބޮލީވުޑްގެ މަޝްހޫރު ތަރި ޝިލްޕާ ޝެޓީ، ދެވަނަ ދަރިފުޅަށް ބަނޑުބޮޑު ކަމަށް ދެކެވެމުންދާ ވާހަކަ އަށް އޭނާ ރައްދު ދީފި އެވެ.
ޝިލްޕާ ހޮސްޕިޓަލްގެ ލެބޯޓްރީއެއްގެ ތެރެއިން ނުކުންނަ ފޮޓޯއެއް ސޯޝަލް މީޑިއާގައި ދައުރުވުމުން ގިނަ ބަޔަކު އަންނަނީ އޭނާ ބަނޑުބޮޑުތޯ ސުވާލުކުރަމުންނެވެ.
އެ ސުވާލަށް ޖަވާބު ދޭން ބަތަލާ ކުރި ޓްވީޓްގައި ބުނެފައި ވަނީ އެކަހަލަ އެއްވެސް ކަމެއް ނުވާ ކަމަށެވެ. "ހެލްތު ޗެކް ކޮށްލަން ދިޔައީ. ޗެކަޕެއް ހަދާލަން. އެއްވެސް ހާލަތެއްގައި ބަނޑުބޮޑުވެގެނެއް ނޫން. ހުރިހާ އެންމެން ވެސް ބޮޑީ ޗެކަޕް ވާނެ ހަދަން،" އޭނާ ކުރި ޓްވީޓްގައި ބުންޏެވެ.
އުމުރުން 43 އަހަރުގެ ޝިލްޕާގެ ހަ އަހަރުގެ ފިރިހެން ކުއްޖަކު ހުރެ އެވެ.
#ShilpaKoKyaHua KUCH NAHI! Hey Bhagwan ????I get a preventive health check done at SRL regularly to know that my body is as healthy on the inside as the outside.Something we all must do.What's all the fuss about !! And NO not pregnant???? #healthcheck #preventionisbetterthancure
— SHILPA SHETTY KUNDRA (@TheShilpaShetty) June 16, 2018
ޝިލްޕާ ބޮލީވުޑަށް ތައާރަފްވީ ޝާހްރުކް ޚާން އަދި ކާޖޮލް އާ އެކީގަ އެވެ. އެއީ 1993 ވަނަ އަހަރުގަ އެވެ.
"ބާޒީގަރް" އިން ބޮލީވުޑަށް ތައާރަފްވި ބަތަލާ ވަނީ ގިނަ އަދަދެއްގެ ފިލްމާއި ލަވަ ކުޅެދީފަ އެވެ.
ދަޅްކަން، މޭކިލާޅީ ތޫ އަނާރީ، ރިޝްރޭ، ޕިރް މިލޭނގޭ ފަދަ ފިލްމުތަކުން ފެނިގެން ދިޔަ ޝިލްޕާ ފަހަކަށް އައިސް ފެންނަނީ ރިއަލިޓީ ޝޯތަކުގެ ޖަޖެއްގެ ގޮތުގަ އެވެ.