އަވަސް މުސްތަގްބަލެއްގައި ދަރިފުޅުު ޖުމައްޔިލް ނިމާލް (ޖުމަލް) އާ އެކީ ފުރަތަމަ ފަހަރަށް އެއްކޮށް ފިލްމަކުން ފެނިގެންދާނެ ކަމަށް ކާމިޔާބު ޑައިރެކްޓަރު އަދި އެކްޓަރު މުހައްމަދު ނިމާލް ބުނެފިއެވެ.
ރޭގެ ވަގުތެއްގައި ނިމާލްގެ ފޭސްބުކް އެކައުންޓް އެއްގައި ކޮށްފައިވާ ޕޯސްޓެއްގައި ބުނެފައިވަނީ ކުރިއަށް ދެން އޮތް ޕްރޮޖެކްޓަކީ ދަރިފުޅާ އެއްކޮށް ފެނިގެންދާ ފުރަތަމަ ޕްރޮޖެކްޓް ކަމަށެވެ.
"މާލޭ އަދި ލަންކާގައި ފިލްމު ޝޫޓް ކުރަން ހަމަޖެހިފައިވަނީ،" ނިމާލް ބުނެފައިވެއެވެ.
ޖުމައްޔިލް އެންމެ ފަހުން ފެނިގެން ގޮސްފައިވަނީ ޑާކްރެއިންއެންޓަޓެއިންމަންޓް އިން ގެނެސްދިން ފިލްމު "ވަކިން ލޯބިން" އިންނެވެ.
އޭނާ ވަނީ ނިމިގެންދިޔަ ދިވެހި ފިލްމު އެވޯޑްސް ހަފްލާގައި "ވާށޭ މަށާއެކީ" ގައި އޭނާ ކުޅުނު ބައިން އެންމެ މޮޅު އެކްޓަރުގެ އެވޯޑު ހޯދާފައެވެ.