"ޖެން ވައި އާޓް" ގެ ދަށުން މިއަހަރުގެ ކޮންމެ ކުއާޓާއެއްގައި ކޮފީ އާޓް ވޯކްޝޮޕްތަކެއް ހިންގަން ހޮޓެން ޖެން އިން ނިންމައިފިއެވެ.
ހޮޓެލް ޖެންގެ މާކެޓިންގް އެންޑް ކޮމިއުނިކޭޝަންސް މެނޭޖަރ ނީނާ މުޙައްމަދު ވިދާޅުވީ ޝަންގްރިއްލާ އިން ހިންގާ ހޮޓެލް ޖެންގެ ހުރިހާ ހޮޓެލް އެއްގައިވެސް ޖެން ވައި އާޓް ޕްރޮގްރާމް ހިންގާނެ ކަމަށެވެ.
"ބޮޑަށް އަޅުކަނޑުމެން މިބަލަނީ ލޯކަލް ކޮމިއުނިޓީ އާ ގުޅިގެން ކުރެވޭނެ ކަންތައްތައް. ބަލާފަ، ކޮމިއުނިޓީ އާ އެކު ކުރެވެނެ ކަންތައް މި ކުރިއަށް ގެންދަނީ،" ނީނާ ވިދާޅުވިއެވެ.
ކޮފީ އާޓް ވޯކްޝޮޕްތައް ކުރިއަށް ގެންދާނީ ސިމްޑީ އާއި ގުޅިގެންނެވެ. އަހަރުގެ ކޮންމެ ކުއާޓާއެއްގިވެސް ކޮފީ އާޓް ވޯކްޝޮޕް ކުރިއަށްގެންދާނެ ކަމަށާއި މީގެ އިތުރުން މޯލްޑިވްސް އާޓް ކޮމިޔުނިޓީ (މެކް) އެ ގުޅިގެން އާޓް ކްލާސްތަކެއް ވެސް ކުރިއަށްގެންދާނެ ކަމަށް ނީނާ ވިދާޅުވިއެވެ.
މިދިޔަ އަހަރުވެސް ޖެން ވައި އާޓް ޕްރޮގްރާމް ކުރިއަށް ގެންގޮސްފައިވާއިރު މިއަހަރު މެކް އާ ގުޅިގެން ކުރިއަށް ގެންދާ ޕްރޮގްރާމުގައި ދިވެހި އާޓިސްޓުންނަށް އެމީހުންގެ މަސައްކަތް ދައްކާލުމަށް ފުރުސަތު ދޭނެ ކަމަށް ނީނާ ވިދާޅުވިއެވެ.
ކޮފީ އާޓް ޕްރޮގްރާމުގައި ބައިވެރިވުމަށް ވަރަށް އަވަހަށް ހުޅުވާނެ ކަމަށް ނީނާ ވިދާޅުވިއެވެ. އެކަމާ ގުޅޭ މައުލޫމާތު މީޑިއާ މެދުުވެރިކޮށް ހިއްސާ ކުރާނެ ކަމަށާއި ހޮޓެލް ޖެންގެ ސޯޝަލް މީޑިއާ ޕްލެޓްފޯމުތައް މެދުވެރިކޮށްވެސް އެ މައުލޫމާތު ހިއްސާ ކުރާނެ ކަމަށް އޭނާ ވިދާޅުވިއެވެ.
ކޮފީ އާޓް ޕްރޮގްރާމެއް ހިންގަން ނިންމީ ކޮފީ އަކީ ދިވެހިންގެމެެދުގައި މަގުބޫލު ބުއިމަކަށް ވެފައި މިހާރުގެ ޓްރެންޑަކަށް ވާތީ ކަމަށް ނީނާ ވިދާޅުވިއެވެ.
ޖެން ވައި އާޓް މިއަދު ލޯންޗުކޮށްފައިވާއިރު ކޮފީ އާޓްގެ ހަރަކާތަތްތައް ވަނީ ދައްކާލައިފައެވެ.