އާސެނަލްގެ ގޯލް ކީޕަރު ޕެޓަރ ޗެކް ދޫކޮށްލުމަށްޓަކައި އެތުލެޓިކޯ މެޑްރިޑްގެ ގޯލް ކީޕަރު ޔާން އޮބްލެކަށް ފާރަލާން ފަށައިފިއެވެ.
ނިމިދިޔަ ޓްރާންސްފަރގައި އާސެނަލުން ވަނީ، ބޮޑު ހޭދަތަކެއްކޮށް، ކްލަބުގެ ޓްރާންސްފަރ ރެކޯޑް މުގުރާލުމަށް ފަހު، 56 މިލިއަން ޕައުންޑަށް ބޮރޫޝިއާ ޑޯޓްމަންޑަށް ކުޅެމުން އައި ގެބޯން ފޯވާޑް ޕިއެރޭ-އެމަރިކް އޯބަމަޔަންގ ގެނެސްފައެވެ.
އިނގިރޭސި ނޫހެއް ކަމަށްވާ އިވްނިންގ ސްޓޭންޑަޑުން ރިޕޯޓުކޮށްފައި ވާގޮތުން، އާސެނަލްގެ ކޯޗު އާސެން ވެންގާ ދަނީ، ކުރިއަށް އޮތް ހޫނު މޫސުމުގައިވެސް، ޓްރާންފަރ ބާޒާރުގައި ރަނގަޅު ވިޔަފާރިތަކެއް ކުރުމަށް މިހާރު ލިސްޓެއް ތައްޔާރުކުރަމުންނެވެ. އެގޮތުން، އެތުލެޓިކޯގެ ގޯލްކީޕަރު އޮބްލެކާއި، ބޯޑޯގެ ވިންގަރ މެލްކޮމް ހޯދުމަށް "ފައިސާ ގޯނި މޮހެލަން" އެޓީމުން ތައްޔާރަށް އޮތް ކަމަށް ރިޕޯޓުތައް ބުނެއެވެ.
މީގެ އިތުރުން ވެސްޓް މިހާރު ރެލިގޭޝަންގެ ބިރާ ކުރިމަތިވެފައިވާ، ވެސްޓް ބްރޮމްގެ ޑިފެންޑަރު ޖޮނީ އިވާންވެސް ވެންގާގެ ލިސްޓުގައި ވެއެވެ. އެގޮތުން އޭނާ ލަފާކުރާ ގޮތުގައި ނޮދަން އަޔަލޭންޑަށް ނިސްބަތްވާ އުމުރުން 30 އަހަރުގެ ޑިފެންޑަރަށް ހޭދަކުރާން ޖެހޭނީ ގާތްގަނޑަކަށް ތިން މިލިއަން ޕައުންޑެވެ.
މިވަގުތު 42 ޕޮއިންޓާއެކު ޕްރިމިއާ ލީގު ތާވަލްގެ ހަ ވަނަައިގައި އޮތް އާސެނަލް، މާދަމާ ނުކުންނާކީ އަމިއްލަ ދަނޑުގައި އެވަޓަންއާ ދެކޮޅަށެވެ.