އިންޑިއާގެ ޓްރިވެންޑްރަމްގައި ހުންނަ ރާއްޖޭގެ ކޮންސިއުލޭޓުގެ ކޮންސުލްގެ މަގާމުގައި ހުންނެވި އަލީ އާދަމް ފޮރިން މިނިސްޓްރީއަށް ބަދަލު ކޮށްފި އެވެ.
އަލީ އިއްޔެ ފޭސްބުކުގައި ލިޔުއްވި "ޕޯސްޓެއް" ގައި ވިދާޅުވީ މި މަހުގެ 21 އިން ފެށިގެން ކޮންސުލްގެ މަގާމުން ފޮރިން މިނިސްޓްރީގެ ސީނިއާ ޕޮލިޓިކަލް ޑައިރެކްޓަރުގެ މަގާމަށް އައްޔަނުކޮށްފައިވާ ކަމަށެވެ.
އަލީ ކޮންސުލްގެ މަގާމުގައި ހުންނެވި އިރު އޭނާ އަށް، ދިއްލީ އާއި ޓްރިވެންޑްރަމްގައި ހުންނަ ކޮސިއުލޭޓާއި އަދި ފޮރިން މިނިސްޓްރީން އޭނާ އަށް ދިން އެއްބާރުލުމަށް ވަރަށް ބޮޑަށް ޝުކުރު އަދާކުރެއްވި އެވެ.
އަލީ ވަނީ 2014ގެ ޖޫން މަހުން ފެށިގެން ކޮންސުލްގެ މަގާމު އަދާކުރައްވައިފަ އެވެ.