ގައުމީ ނެޓްބޯޅަ މުބާރާތުގައި ރެޑްލައިން ސިޓީ ބަލިކޮށް، ރެޑްލައިން ކުލަބުން ސެމީ ފައިނަލްގެ ޖާގަ ހޯދައިފިއެވެ.
ރެޑްލައިނުން ސެމީފައިނަަލަށް ދަތުރުކުރީ ގުރޫޕް ދޭއްއްގެ އެއްވަނަ ޓީމުގެ ގޮތުގައެވެ. ކޮންމެ ގްރޫޕެއްގައި ތިން ޓީމު ހިމެނިގެން ދެ ގްރޫޕަށް ބަހާލައިގެން ކުރިއަށް ގެންދާ އެ މުބާރާތުގައި ރެޑްލައިންއިން މިހާތަނަށް ކުޅުނު ދެ މެޗުވެސްވަނީ ކާމިޔާބުކޮށްފައެވެ.
ޒުވާނުންގެ މަރުކަޒު އެތެރެވެށީ ކޯޓުގައި ރޭ ކުޅުނު މެޗު ރެޑްލައިން ކާމިޔާބުކުރީ 55 ޕޮއިންޓް 36 ޕޮއިންޓުންނެވެ.
މެޗުގެ މޮޅު ކުޅުންތެރިއަކަށް ހޮވުނީ ރެޑް ލައިންއަށް ކުޅެމުން އަންނަ ބިދޭސީ ކުޅުންތެރިޔާ ކުމަރިނީ ސިލްވާއެވެ.
ގައުމީ ނެޓްބޯޅަ މުބާރާތުގެ ސެމީފައިނަލް ޖާގަ މިހާތަނަށް ކަށަވަރުކޮށްފައިވާ ޓީމުތަކަކީ ރެޑްލައިން ކްލަބުގެ އިތުރުން މަހިބަދޫ ސްޕޯޓްސް ކްލަބެވެ. މި ދެޓީމުވެސް ސެމީއަށް ދަތުރު ކުރީ ގްރޫޕް އެއްވަނަ ޓީމު ގޮތުގައެވެ.
މުބާރާތުގެ ގްރޫޕް އެކެއްގެ ފަހު މެޗު މިރޭ އޮންނާނެއެވެ. ބައްދަލުކުރާނީ ވިޔަންސާ ސްޕޯޓްސް ކުލަބާއި ކުލަބް މެޓްރިކްސްއެވެ. މިމެޗުން މޮޅުވާ ޓީމަކަށް ސެމީ ފައިނަލްގެ ޖާގައެއް ކަށަވަރުވާނެއެވެ.