ކޮންމެ ދިވެއްސަކުވެސް މުސްލިމެއްގެ ގޮތުގައި ދުނިޔެއަށް އުފަން ވުމަކީ ލިބޭ ވަަރަށް ބޮޑު ނިއުމަތެއް ކަމަށް މެލޭޝިޔާގެ މަޝްހޫރު ދީނީ އިލްމްވެރިއާ ޝެއިހް ހުސައިން ޔީ ވިދާޅުވެއްޖެއެވެ.
"އިސްލާމްސް ރެލެވެންސް ޓުޑޭ" މި މައުޟޫއަށް އިންސާފުކުރައްވަމުން ރޭ އިސްލާމީ މަރުކަޒުގައި ދެއްވި ޚާއްސަ ދަރުހެއްގައި ޝެއިޚް ޔީ ވިދާޅުވީ ދިވެހިންނަށް ﷲ ސުބުހާނަހޫ ވަތައާލާ ދެއްވި އެންމެ މާތް ނިއުމަތަކީ އިސްލާމް ދީނުގެ ހިދާޔަތް ކަމަށެވެ.
އައްޝައިޚް ހުސައިން ޔީދެއްވި ދަރުސް އަޑުއެއްސެވުމަށް ވަޑައިގެންނެވި ބައެއް ބޭފުޅުން --- ސަން ފޮޓޯ/ މުހައްމަދު އަފްރާހް
"މިއަދު ރާއްޖެއަކީ އެންމެ ގިނަ ބަޔަކު އެންމެ ޒިޔާރަތް ކުރަން ބޭނުންވާ ގައުމު. އެ ޝަރަފު އެ ލިބުނީ ﷲ ސުބުހާނަހޫ ވަތައާލާ މި ގައުމަށް ރީތި ކަމުހެ ނިއުމަތްދެއްވީމަ. އެ ނިއުމަތް ދެއްވީ މިއީ ސައްތައިން ސައްތަ މުސްލިމު ގައުމަކަށްވީތީ،" ޝެއިހް ޔީ ވިދާޅުވިއެވެ.
ޝެއިޚް ވިދާޅުވީ އުފަންވާ ކޮންމެ ކުއްޖަކީ ރާއްޖޭގައި މުސްލިމެއް ކަމަށާއި އެއީ ކޮންމެ ކޮންމެ ގައުމެއްގައި ލިބޭނެ ޝަރަފެއް ނޫން ކަމަށެވެ. އަދި އެއީ ﷲ ސުބުހާނަހޫ ވަތައާލާ އަޅުގަނޑުމެންނަށް ދެއްވި ނިއުމަތެއް ކަމަށް ޔީ ވިދާޅުވިއެވެ.
"ދިވެހި ކޮންމެ ރައްޔިތަކީ މުސްލިމެއް. އެއީ ބޮޑު ނިއުމަތެއް. އެ ނިއުމަތަކީ ކޮންމެ ކޮންމެ ގައުމެއްގެ ރައްޔިތުންނަށް ލިބޭނެ ޝަރަފެއް ނޫން،" ޝެއިހް ޔީ ވިދާޅުވިއެވެ.
އައްޝައިޚް ހުސައިން ޔީ ރޭ ދެއްވި ދަރުހުގެ ތެރެއިން ---ސަން ފޮޓޯ/ މުހައްމަދު އަފްރާހް
އިސްލާމް ދީނަކީ ކޮންމެ ޒަމާނަކަށްވެސް އެންމެ އެކަށީގެންވާ ދީން ކަމުގެ ހެކި ދައްކަވަމުން ޝެއިޚް ޔީ ވިދާޅުވީ އިސްލާމީ އުސޫލުތަކަކީ މެދު މިނުގެ އުސޫލުތައް ކަމަށާއި އެ އުސޫލުތަކަކީ ކޮންމެ ޒަމާނަކަށްވެސް އެންމެ އެކަށީގެންވާ އުސޫލުތައް ކަމަށެވެ.
ޝެއިޚް ވިދާޅުވީ އިސްލާމްދީން ނަފްސް ހަލާކުކޮށްލައި ނަފްސަށް ގެއްލުންދޭ ހުރިހާ ކަމަކާ ދެކޮޅު ކަމަށެވެ.
"ކޮރަޕްޝަނަކީ ނަފްސުގެ ހަލާކަށް ގޮވާލާއެއްޗެއް. އެއީ އިސްލާމްދީން ނަހީ ކުރައްވާ ކަމެއް. ހަމަ އެގޮތައް ރާ ބުއިމާއި މަސްތުވާތަކެތި ބޭނުން ކުރުމަކީވެސް މީގެ އެތައް އަހަރެއް ކުރިން ހަރާމް ކުރައްވާފައިވާ ކަންކަން،" ޝައެޚް ޔީ ވިދާޅުވިއެވެ.
ޝެއިޚް ޔީ ވިދާޅުވީ އިސްލާމްދީނާއި ގައުމުގެ ދިފާއުގައި އަބަދުވެސް ތެދުވާން ޖެހޭ ކަމަށާއި ކޮންމެ މީހަކުވެސް ވާންޖެހޭނީ ތެދުވެރި، ގައުމަށް ވަފާތެރި މީހަކަށް ކަމަށެވެ. އަދި ކޮންމެ މުސްލިމަކުވެސް އަމިއްލަ ގައުމާއި ދީނުގެ ހައްގުގައި ޝަހީދުވާން ޖެހޭ ކަމަށް ޔީ ވިދާޅުވިއެވެ.
28 ޑިސެމްބަރ 2017: އައްޝައިޚް ހުސައިން ޔީދެއްވި ދަރުހުގެ ތެރެއިން ---ސަން ފޮޓޯ/ މުހައްމަދު އަފްރާހް
"މާލޭގައި ހުންނަ ޝަހީދު ހުސައިން އާދަމް ބިލްޑިންގ ރަމްޒްކޮށްދެނީ މި ގައުމުގެ ހައްގުގައި މަސައްކަތް ކުރި ޒުވާނެއްގެ މިންނަތް މަސައްކަތް. ކޮންމެ މީހަކީވެސް އެފަދަ ތެދުވެރި ބަތޮލަކަށްވާން ޖެހޭ. ގައުމާއި ދީނުގެ ހައްގުގައި ޝަހީދުވާން ޖެހޭ،" ޝައިހް ޔީ ވިދާޅުވިއެވެ.
ޕީސް ފައުންޑޭޝަނުން މިއަހަރުގެ ޖުލައި މަހު އިފްތިތާހުކުރި ދަ ލެގަސީގެ ދެވަނަ ބުރުގައި ބޭއްވި ޚާއްސަ ދަރުހުގައި ބައިވެރިވެވަޑައިގެން ޝެއިހް ޔީ ރޭ ދަރުހެއް ދެއްވިއިރު މާދަމާރޭވެސް އެމަނިކުފާނުގެ ޚާއްސަ ދަރުހެއް އޮންނާނެއެވެ. އަދި ޒުވާނުންނަށް އަމާޒުކޮށްގެން ތަފާތު ދީނީ ވޯކްޝޮޕްތައް ވެސް ޝައިޚްގެ ދަތުރުފުޅުގެ ތެރޭގައި ކުރިއަށްގެންދަވާނެ ކަމަށް ޕީސް ފައުންޑޭޝަނުން ބުންޏެވެ.