ލިޓަސް ސާވިސް ސެންޓަރުގެ ތެރޭގައި ރ. މީދޫ، ފެންފިޔާޒުގޭ، މުހައްމަދު އަނަސް، މަރާލި ކަމުގެ ތުހުމަތުގައި ދައުވާ އުފުލާފައިވާ މީހުންގެ ޝަރީއަތުގެ އަޑުއެހުމެއް މާދަމާއަށް ތާވަލްކޮށްފިއެވެ.
އެ މައްސަލައިގެ އަޑުއެހުން ކްރިމިނަލް ކޯޓުން ތާވަލްކޮށްފައި ވަނީ މާދަމާ މެންދުރުފަހު 1:00 އަށެވެ.
މީގެކުރިން ބޭއްވި އެމައްސަލައިގެ އަޑުއެހުމުގައި ވަނީ ގާނޫނީ ވަކީލުން ހަމަޖައްސާފައިނުވާ މީހުންނަށް ވަކީލަކު ހަމަޖައްސަން ފުރުސަތުދީފައެވެ.
އަނަސް މަރާލާފައި ވަނީ މި އަހަރުގެ ޖުލައި މަހުގެ 31 ވަނަ ދުވަހުގެ ރޭ 9:15 އެހައިކަންހާއިރު ސައިކަލްތަކެއްގައި މޫނުނިވާކޮށްގެން ތިބި ބަޔަކު ލިޓަސް ސާވިސް ސެންޓަރުގެ ތެރެއަށްވަދެއެވެ.
ގަސްތުގައި މަރާލި ކަމުގެ ދައުވާ ލިބޭ މީހުން
- އުސްމާން ޝަރީފް، މ. ދިމިޝްގް
- އަހުމަދު ޒަޔާން، ޅ. ކުރެންދޫ، އަސުރުމާގެ
- އަފްރާހު އަބްދުއްރައްޒާގު، މ. ލޮނުމިދިލިގެ
މަރާލުމުގައި ބައިވެރިވި ކަމުގެ ދައުވާ ލިބޭ މީހުން
- ޖުނައިހު އަބްދުﷲ، ލ. ގަން، ތުނޑި، ނަންނާރިގެ
- ހަސަން މަހްފޫޒް، ސ. ފޭދޫ، ވެސްޓަންވިލާ
- ސިމާހު މޫސާ، ދަފްތަރު 1746
- މުހައްމަދު ޝާޒް، ތ. ކިނބިދޫ، ގުލްފާމްގެ
އަނަސް މަރާލިކަމުގެ ތުހުމަތުގައި 18 އަހަރުން ދަށުގެ ކުއްޖެއްގެ މައްޗަށް ވެސް ވަނީ ދައުވާ އުފުލާފައެވެ.