އިސްލާމްއާބާދު (11 ޑިސެމްބަރު):އިންޑިއާ އިން އީރާނުގައި ގާއިމްކޮށްފައިވާ ޗަބާހަރު ބަނދަރު ބޭނުންކޮށްގެން ޕާކިސްތާނާ ދިމާކުރުމުގެ ފުރުސަތު ނުދޭނެ ކަމަށް އީރާންގެ ޑިޕްލެމެޓުން ބުނެފި އެވެ.
ޗަބާހަރު ބަނދަރު ހެދުމުގައި ޕާކިސްތާނުގެ އެއްވެސް ހިއްސާއެއް ނެތް ނަމަވެސް، އެ ބަދަރު އިފްތިތާހު ކުރުމަށް މި މަހު ތިން ވަނަ ދުވަހު އިރާނުގައި ބޭއްވި ރަސްމިއްޔާތުގައި ޕާކިސްތާނުގެ ޕޯޓްސް އެންޑް ޝިޕިންގެ މިނިސްޓަރު ވަނީ ބައިވެރިވެވަޑައިގެންފަ އެވެ.
އެ ރަސްމިއްޔާތަށް ތައްޔާރުވުމުގެ ދުވަސްތަކެއް ކުރިން ޕާކިސްތާނުގެ މިނިސްޓަރުން ފެންވަރުގެ ވަފުދެއް ފޮނުވުމަށް ވަރަށް ބޮޑަށް ބާރުއެޅި ކަމަށް އިރާނުގެ ސީނިއާ ޑިޕްލޮމެޓިކް އޮފިސަރަކާ ހަވާލާދީ ޕާކިސްތާނުގެ ދުވަހު ނޫހެއް ކަމަށްވާ އެކްސްޕްރެސް ޓްރިިބިއުން އިން ބުންޏެވެ. އަދި މިއީ ޕާކިސްތާނާ އެއްވެސް ގައުމަކުން ދިމާކުރުމަށް ފުރުސަތުނުދޭނެ ކަމަށް "މެސެޖެއް" ދިނުމުގެ ގޮތުން އިރާނުން ނިންމި ނިންމުމެއް ކަމަށް ވެސް ޑިިޕްލޮމެޓް ބުންޏެވެ.
އިންޑިއާއިން އިރާނުގައި ގާއިމްކުރި ޗަބާހަރު ބަނދަރުގެ ރޫޓް--
އިންޑިއާ އިން އިރާނުގައި ފުން ބަނަދަރެއް ހަދައިދިންއިރު، އިންޑިއާގެ ދުޝްމަން ޗައިނާ އިން ވެސް ދަނީ ޕާކިސްތާނުގެ ގުވަދާގައި ބަނދަރެއް ބިނާކުރަމުންނެވެ. އެހެންކަމުން މުރާސިލުން ބުނާ ގޮތުގައި އިންޑިއާ އިން އެބަނދަރު ހަދަނީ ޗައިނާއާ ވާދަކުރުމުގެ ގޮތުންނެވެ.
ނަމަވެސް އިރާނުގެ ޑިޕްލޮމެޓް ވިދާޅުވީ އިރާނުން އެ ބަނަދަރު ހަދަނީ ޕާކިސްތާނުގައި ހަދާ ބަނދަރާ ވާދައަށް ނޫން ކަމަށެވެ. އަދި އިރާނުން ކުރިއަށް އޮތްތަނުގައި އިރާނާގެ ބަނަދަރާއި ޕާކިސްތާނުގެ ބަނދަރާ ގުޅިގެން މަސައްކަތްކުރުމަށް މެމެރެންޑޮމް އޮފް އެސޯސިއޭޝަން އެއް ވެސް ސޮއިކޮށްފައިވާ ކަމަށް ޑިޕްލޮމެޓް ވިދާޅުވި އެވެ.
އިރާނާއި ޕާކިސްތާނާ ދެގައުމުން އަބަދު ވެސް ދެގައުމާ މެދު ބަލަނީ ޝައްކުގެ ނަޒަރުންނެެވެ. އަދި ހާއްސަކޮށް ޕާކިސްތާނާއި ސައުދީގެ ގުޅުން ބޮޑުވެފައި އީރާނާ އިންޑިއާގެ ގުޅުން ރަނގަޅުވުމަކީ އަބަދު ވެސް ވަރަށް ބޮޑަށް ނުތަނަވަސްވާ މައްސަލައެކެވެ.
ދާދި ފަހުން ޕާކިސްތާނުން ވަނީ އިންޑިއާގެ ޖާސޫސެއް އެގައުމުގައި ހަރަކާތްތެރިވަނިކޮށް ވެސް އަތުލައިގެންފަ އެވެ. އިންޑިއާގެ ޖާސޫސޫ އޭޖެންޓް ކުލްބުޝާން ޔާދޭވް ޕާކިސްތާނުގައި ބޮންގޮއްވުމުގެ ހަރަކާތްތައް ރާވައިފައި ވަނީ އިރާނުގައި ހުރެގެންނެވެ. އިރާނުގައި ވިޔަފާރިކުރާ ކަމަށް ހެދިގެން ކުލްބުޝާން ވަނީ އެތައް ފަހަރަކު އިރާނުގެ ބޯޑަރު ހުރަސްކޮށް ޕާކިސްތާނަށް ވަދެފަ އެވެ.
އީރާނާއި ޕާކިސްތާނާ ގުޅުން ފަހަކަށް އައިސް ދަނީ ވަރަށް ބޮޑަށް ބަދަހިވަމުންނެވެ. ޕާކިސްތާނުގެ ހާރިޖީ ސިޔާސަތުތައް ބައްޓަންކުރުމުގައި ވެސް ދަނީ އިރާނު ރުއްސައިގެން އެކި ގައުމުތަކާ ގުޅުންތައް ބަހައްޓަމުންނެވެ. އެގޮތުން ސައުދީން ޔަމަނާ ދެކޮޅަށް ކުރާ ހަނގުރާމުގައި ޕާކިސްތާނުގެ ސިފައިން ފޮނުވަން އެދުމުން ޕާކިސްތާނުން ވަނީ އެކަމަށް ދެކޮޅުހަދައިފަ އެވެ.
މައުލޫމާތު: އެކްސްޕްރެސް ޓްރިބިއުން